അഭിമന്യുവിന്‍റെ കൊലപാതകം: ഒരാള്‍ കൂടി പിടിയിൽ

കൊച്ചി: മഹാരാജാസ് കോളേജിൽ നിന്നുള്ള എസ്എഫ്ഐ നേതാവ് അഭിമന്യുവിനെ കൊലപ്പെടുത്തിയ കേസിൽ ഒരു പ്രതി കൂടി പോലീസിന്‍റെ പിടിയിൽ. കേസിലെ പ്രധാനപ്രതികളിലൊരാളാണ് നെട്ടൂരിൽ നിന്നെത്തിയ അഞ്ചംഗസംഘത്തിലെ റെജീബ്. അഭിമന്യുവിനെ കുത്തിയ സംഘത്തിൽ ഇയാളും ഉണ്ടായിരുന്നുവെന്നാണ് പോലീസ് പറയുന്നത്.

കര്‍ണാടകയിൽ നിന്ന് കൊച്ചിയിലേയ്ക്കുള്ള യാത്രാമധ്യേ ട്രെയിനിൽ നിന്നാണ് റെജീബിനെ പിടികൂടിയത്. ക്യാംപസ് ഫ്രണ്ട് പ്രവർത്തകനാണ് റെജീബ്.