അമിത് ഷായുടെ ഒരു രാജ്യം ഒരു ഭാഷ പരാമർശം; പിന്തുണയുമായി കേരളാ ഗവർണർ

തിരുവനന്തപുരം: അമിത് ഷായുടെ 'ഒരു രാജ്യം, ഒരു ഭാഷ' മുദ്രാവാക്യത്തെ പിന്തുണച്ച് കേരളാ ഗവർണർ ആരിഫ് മുഹമ്മദ് ഖാൻ. ഒരു ഭാഷ ജനങ്ങളെ ഒരുമിപ്പിക്കുമെന്ന് ഗവർണർ അഭിപ്രായപ്പെട്ടു. രാജ്യത്തിന്റെ ഒരുമ ഹിന്ദിയിലൂടെ ശക്തിപ്പെടുമെന്നും ആരിഫ് മുഹമ്മദ് ഖാൻ ട്വീറ്റ് ചെയ്തു.

അതേസമയം, ഹിന്ദി ഭാഷാ വിവാദത്തിന് കേന്ദ്ര ആഭ്യന്തര മന്ത്രി അമിത് ഷായാണ് തുടക്കമിട്ടത്. രാജ്യത്തെ ഒരുമിപ്പിക്കുന്ന ഒരു ഭാഷ ഉണ്ടാവേണ്ടത് അത്യാവശ്യമാണെന്ന് അമിത് ഷാ ഹിന്ദി ദിനാചരണത്തിന്റെ ഭാഗമായി പറഞ്ഞു.

'മരടിലെ കുടുംബങ്ങൾ തീ തിന്നുകയാണ്, അവരെ കുറ്റവാളികളെപ്പോലെ ചിത്രീകരിക്കരുത്': ശ്രീകുമാർ മേനോൻ

ഇന്ത്യ വിവിധ ഭാഷകൾ സംസാരിക്കുന്ന രാജ്യമാണ്. ഓരോ ഭാഷയ്ക്കും അതിന്റേതായ പ്രാധാന്യമുണ്ട്. ലോകത്തിനു മുന്നിൽ ഇന്ത്യയ്ക്ക് ഒരു ഭാഷ ഉണ്ടായിരിക്കേണ്ടത്, അത് വളരെ പ്രധാനമാണ്. ഒരു ഭാഷയ്ക്ക് രാജ്യത്തെ ഒന്നിപ്പിക്കുന്ന ജോലി ചെയ്യാൻ കഴിയുമെങ്കിൽ അത് രാജ്യത്ത് ഏറ്റവും കൂടുതൽ സംസാരിക്കുന്ന ഹിന്ദി ഭാഷയ്ക്കാണ്- എന്ന് അമിത് ഷാ ട്വീറ്റ് ചെയ്തിരുന്നു.


അമിത് ഷായുടെ പ്രസ്താവനയ്ക്കെതിരെ വിവിധ രാഷ്ട്രീയ പാർട്ടികൾ രംഗത്തെത്തി,

ഭാഷാ സമരത്തിന് ഒരുക്കമാണെന്ന് ഡിഎംകെ വ്യക്തമാക്കി. ഹിന്ദി അടിച്ചേല്‍പ്പിക്കാനുള്ള ശ്രമമാണ് ബിജെപി നടത്തുന്നതെന്നും ഇത് അംഗീകരിക്കാനാവില്ലെന്നും സ്റ്റാലിന്‍ പറഞ്ഞു.

രാജ്യത്തിന്റെ ഫെഡറൽ സംവിധാനത്തെ അട്ടിമറിക്കാനുള്ള ശ്രമമാണ് നടക്കുന്നതെന്ന് സിപിഎം ജനറൽ സെക്രട്ടറി സീതാറാം യെച്ചൂരി പറഞ്ഞു. വൈവിദ്യങ്ങളെ ഇല്ലാതാക്കാനുള്ള ശ്രമമാണ് നടക്കുന്നതെന്ന് സിപിഎം വ്യക്തമാക്കി.

'വരുന്നതെന്താണെന്ന് നമുക്ക് നോക്കാം'; ഫ്ലാറ്റുടമകള്‍ക്കൊപ്പം സിപിഎം ഉണ്ടെന്ന് കോടിയേരി

ഇന്ത്യയിലെ മറ്റേതൊരു ഭാഷയേയും പോലെ ഒരു ഭാഷ മാത്രമാണ് ഹിന്ദിയെന്ന് കോൺഗ്രസ് നേതാവ് സിദ്ധരാമയ്യ പറഞ്ഞു. ഹിന്ദി ദിനാചരണം അംഗീകരിക്കാൻ കഴിയില്ലെന്നും അദ്ദേഹം വ്യക്തമാക്കി.

ഹിന്ദി എല്ലാ ഇന്ത്യക്കാരുടേയും മാതൃഭാഷ അല്ലെന്ന് എഐഎംഐഎ തലവന്‍ അസദുദ്ദീന്‍ ഒവൈസി പറഞ്ഞു. വ്യത്യസ്ത ഭാഷയിലുള്ള വൈവിധ്യത്തെയും സൗന്ദര്യത്തെയും നിങ്ങൾക്ക് അംഗീകരിക്കാൻ കഴിയുമോയെന്ന് ഒവൈസി ചോദിച്ചു.