സോളര്‍ റിപ്പോര്‍ട്ടിനെതിരെ ഉമ്മൻ ചാണ്ടി ഹൈക്കോടതിയിൽ

കൊച്ചി: സോളര്‍ കമ്മീഷൻ റിപ്പോര്‍ട്ടിനെതിരെ മുൻ മുഖ്യമന്ത്രി ഉമ്മൻ ചാണ്ടി ഹൈക്കോടതിയെ സമീപിച്ചു. കമ്മീഷന്‍റെ കണ്ടെത്തലുകള്‍ റദ്ദാക്കണമെന്നാണ് ആവശ്യം. റിപ്പോര്‍ട്ടിൽ തനിക്കെതിരെയുള്ള പരാമര്‍ശങ്ങള്‍ നീക്കണമെന്നും ഉമ്മൻ ചാണ്ടി ആവശ്യപ്പെട്ടു. കോണ്‍ഗ്രസ് നേതാവുകൂടിയായ കപിൽ സിബലാണ് ഉമ്മൻ ചാണ്ടിയ്ക്കു വേണ്ടി ഹൈക്കോടതിയിൽ ഹാജരാകുക.

സോളാര്‍ കമ്മീഷൻ ടേംസ് ഓഫ് റഫറൻസിനു പുറത്താണ് പ്രവര്‍ത്തിച്ചതെന്ന് ഉമ്മൻ ചാണ്ടി ആരോപിച്ചു. സരിതയുടെ കത്തിനെ മാത്രം അടിസ്ഥാനപ്പെടുത്തിയാണ് കമ്മീഷന്‍റെ നിഗമനങ്ങളെന്നും ഉമ്മൻ ചാണ്ടി ചൂണ്ടിക്കാട്ടി. സുപ്രീം കോടതി അഭിഭാഷകനായ അരിജിത് പസായത് സര്‍ക്കാരിനു നല്‍കിയ നിയമോപദേശത്തിന്‍റെ പകര്‍പ്പും ഉമ്മൻ ചാണ്ടി സമര്‍പ്പിച്ചിട്ടുണ്ട്.