മെഡി. കോളേജ്: സര്‍ക്കാര്‍ നടപടിയെ തള്ളിപ്പറയില്ലെന്ന് ഉമ്മൻ ചാണ്ടി

തിരുവനന്തപുരം: കരുണ, കണ്ണൂര്‍ മെഡിക്കൽ കോളേജ് പ്രവേശനവുമായി ബന്ധപ്പെട്ട വിഷയത്തിൽ സ‍ര്‍ക്കാര്‍ നടപടിയെ ഒരിക്കലും തള്ളിപ്പറയില്ലെന്ന് മുൻമുഖ്യമന്ത്രി ഉമ്മൻ ചാണ്ടി. ബില്ലിനെയും സര്‍ക്കാര്‍ നടപടിയെയും അനുകൂലിക്കുന്നുവെന്നും ഉമ്മൻ ചാണ്ടി വ്യക്തമാക്കി.

ഇത്രയധികം കുട്ടികളുടെ ഭാവി പൂര്‍ണ്ണമായും അടഞ്ഞുപോകുന്നൊരു സാഹചര്യം ഒഴിവാക്കാൻ വേണ്ടി മനുഷ്യത്വപരമായ സമീപനം എടുക്കണമെന്ന നിലപാടായിരുന്നു പ്രതിപക്ഷത്തിന്‍റേതെന്ന് ഉമ്മൻ ചാണ്ടി അഭിപ്രായപ്പെട്ടു. അതേസമയം നിയമത്തിനു മുന്നിൽ ആ നിലപാടിനുണ്ടായ വീഴ്ചകളാണ് ചൂണ്ടിക്കാണിക്കപ്പെട്ടതെന്നും ഉമ്മൻ ചാണ്ടി വിശദീകരിച്ചു.