നേതൃ മാറ്റം വേണമെന്ന് പറഞ്ഞിട്ടില്ലെന്ന് മുരളീധരൻ

തിരുവനന്തപുരം: കേരളത്തിൽ പ്രതിപക്ഷ നേതൃ സ്ഥാനത്ത് മാറ്റം വരണമെന്ന് താൻ പറഞ്ഞിട്ടില്ലെന്ന് കെ.മുരളീധരൻ എം.എൽ.എ. ഉമ്മൻ ചാണ്ടി പ്രതിപക്ഷ നേതാവാകാൻ യോഗ്യനാണെന്ന് പറഞ്ഞതിൽ ഉറച്ച് നിൽക്കുന്നുവെന്നും അദ്ദേഹം പറഞ്ഞു.

പ്രതിപക്ഷ നേതാവാകാൻ മുൻ മുഖ്യമന്ത്രി ഉമ്മൻചാണ്ടി യോഗ്യനാണെന്നും പ്രവർത്തകർ അങ്ങനെ ആഗ്രഹിക്കുന്നുണ്ടെന്നും കഴിഞ്ഞ ദിവസം മുരളീധരൻ പറഞ്ഞിരുന്നു. ആർ.എസ്.പി സംസ്ഥാന സെക്രട്ടറി എ.എ അസീസിൻെറ പ്രസ്താവനയിലെ വികാരം ഉൾക്കൊള്ളുന്നുവെന്നും മുരളി കൂട്ടിച്ചേർത്തു.

പ്രതിപക്ഷ നേതൃ സ്ഥാനത്തേക്ക് രമേശ് ചെന്നിത്തലയേക്കാൾ നല്ലത് ഉമ്മൻചാണ്ടിയാണെന്ന് എ.എ അസീസും പറഞ്ഞിരുന്നു. ഉമ്മൻ ചാണ്ടിയെ പ്രതിപക്ഷ നേതാവാക്കണമെന്ന് ആർ.എസ്.പി ആവശ്യപ്പെട്ടിരുന്നതായി തിരുവനന്തപുരത്ത് വാർത്താസമ്മേളനത്തിലാണ് അസീസ് പറഞ്ഞത്.

Oommen Chandy is better option for opposition leader, says K Muraleedharan

Congress leader K Muraleedharan mla again said that Oommen Chandy is a better option for Kerala opposition leader.