എൽഡിഎഫ് ജയിക്കുമെന്ന ബേജാറാണ് ഉമ്മൻ ചാണ്ടിക്കെന്ന് വിഎസ്

പാലക്കാട്: എൽഡിഎഫ് ജയിക്കുമെന്ന ബേജാറുകൊണ്ടാണ് മുഖ്യമന്ത്രി ഉമ്മൻ ചാണ്ടി പലതും പറയുന്നതെന്ന് പ്രതിപക്ഷ നേതാവ് വി.എസ്. അച്യുതാനന്ദൻ. ഇത് കാര്യമാക്കുന്നില്ലെന്നും അദ്ദേഹം കൂട്ടിച്ചേർത്തു. ആരോപണങ്ങൾക്കെതിരെ നിയമനടപടി സ്വീകരിക്കുമെന്ന മുഖ്യമന്ത്രിയുടെ പ്രസ്താവനയോട് പ്രതികരിക്കുകയായിരുന്നു വിഎസ്.

മുഖ്യമന്ത്രിയടക്കം ഈ സർക്കാരിലെ മന്ത്രിമാർക്കെതിരെ സുപ്രീംകോടതിയിൽ ഉൾപ്പെടെ 136 കേസുകളുണ്ടെന്ന ആരോപണം രണ്ടുദിവസത്തിനകം പിൻവലിച്ചില്ലെങ്കിൽ പ്രതിപക്ഷനേതാവ് വി.എസ്. അച്യുതാനന്ദനെതിരെ നിയമനടപടി സ്വീകരിക്കുമെന്ന് ഉമ്മൻ ചാണ്ടി പറഞ്ഞിരുന്നു.