പിണറായിക്ക് നെഞ്ചിടിപ്പ് കൂടുന്നു; അന്വേഷണം മുഖ്യമന്ത്രിയിലേക്ക് എത്താന്‍ കാലതാമസമുണ്ടാകില്ലെന്ന് ചെന്നിത്തല

കല്‍പ്പറ്റ: സ്വര്‍ണക്കള്ളക്കടത്ത് കേസില്‍ മുഖ്യമന്ത്രിയുടെ നെഞ്ചിടിപ്പ് കൂടുന്നെന്ന് പ്രതിപക്ഷ നേതാവ് രമേശ് ചെന്നിത്തല. കേസിന്റെ അന്വേഷണം മുഖ്യമന്ത്രി പിണറായി വിജയനിലേക്ക് എത്താന്‍ അധികം കാലതാമസം ഉണ്ടാകില്ലെന്ന് ചെന്നിത്തല പറഞ്ഞു. കല്‍പറ്റയില്‍ മാധ്യമങ്ങളോടാണ് അദ്ദേഹം ഇക്കാര്യം പറഞ്ഞത്.

Also Read: അബുദാബിയിലെ പുതിയ പ്രവേശന നിബന്ധന പ്രവാസികള്‍ക്ക് ബാധകമാണോ?

ഓഫിസിലേക്ക് അന്വേഷണം എത്തിയപ്പോഴാണ് കേന്ദ്ര ഏജന്‍സികളെ മുഖ്യമന്ത്രി എതിര്‍ത്തത്. മാവോയിസ്റ്റ് ഏറ്റുമുട്ടല്‍ വ്യാജമെന്ന് സംശയം ജനിപ്പിക്കുന്ന കാര്യങ്ങളാണ് പുറത്തു വരുന്നതെന്നും ചെന്നിത്തല പറഞ്ഞു.

പ്രതിപക്ഷം ഉയര്‍ത്തിയ വാദങ്ങള്‍ ഇതോടെ അംഗീകരിക്കപ്പെടുകയാണ്. ഇത്രയധികം സംഭവങ്ങള്‍ നടന്നിട്ടും ബിനീഷ് കോടിയേരിയെ മുഖ്യമന്ത്രി തള്ളിപറഞ്ഞിട്ടില്ലെന്ന് രമേശ് ചെന്നിത്തല കുറ്റപ്പെടുത്തി.

Also Read: മനുഷ്യനില്‍ അപൂര്‍വ്വ പന്നിപ്പനി രോഗം; എച്ച്1എന്‍2 എന്ന പുതിയ വൈറസ്, കാനഡയില്‍ രോഗവ്യാപനം

പടിഞ്ഞാറേത്തറയിലേത് വ്യാജ ഏറ്റുമുട്ടലെന്ന സംശയം ബലപ്പെടുകയാണ്. മാവോയിസ്റ്റ് കൊലപാതകങ്ങളില്‍ ശബ്ദമുയര്‍ത്തിയിരുന്ന കാനം രാജേന്ദ്രന്‍ മൗനം വെടിയണമെന്നും ചെന്നിത്തല പറഞ്ഞു.