കൊച്ചി: ഇടതുമുന്നണി ബന്ധം ഉപേക്ഷിച്ച് വന്നാൽ എൻസിപിയെ യുഡിഎഫ് സ്വീകരിക്കുമെന്ന് പ്രതിപക്ഷനേതാവ് രമേശ് ചെന്നിത്തല. മുന്നണിപ്രവേശം സംബന്ധിച്ച് എൻസിപിയുമായി ചർച്ച നടത്തിയിട്ടില്ലെന്നും എ കെ ശശീന്ദ്രൻ ഉൾപ്പടെ ഉള്ളവർ വന്നാൽ സ്വീകരിക്കുമെന്നും ചെന്നിത്തല പറഞ്ഞു. പാലാ സീറ്റിനെച്ചൊല്ലി മാണി സി കാപ്പനും ഒരു വിഭാഗം എൻസിപി നേതാക്കളും മുന്നണി വിടുമെന്ന വാർത്തകൾ പുറത്തുവരുന്നതിനിടെയാണ് കോൺഗ്രസ് നേതാവിന്റെ പ്രതികരണം. എൻസിപി പൂർണ്ണമായി യുഡിഎഫിലേക്ക് വരുന്നതിനോടാണ് താൽപ്പര്യം. മാണി സി കാപ്പനും ഒപ്പം ഉള്ളവരും മാത്രമാണ് വരുന്നതെങ്കിലും അവരെ യുഡിഎഫിലേക്ക് സ്വീകരിക്കുമെന്നും ചെന്നിത്തല പറഞ്ഞു.
അതേസമയം പാലായില് തന്നെ മത്സരിക്കുമെന്ന് മാണി സി കാപ്പന് വ്യക്തമാക്കിയിട്ടുണ്ട്. ശരദ് പവാറുമായുള്ള കൂടിക്കാഴ്ചയ്ക്ക് ശേഷമായിരുന്നു അദ്ദേഹത്തിന്റെ പ്രതികരണം. മുന്നണി മാറ്റത്തെ കുറിച്ചും മറ്റുമുള്ള അന്തിമ തീരമാനം നാളെ നടക്കുന്ന ശരത് പവാർ – പ്രഫുൽ പട്ടേൽ ചർച്ചയിലുണ്ടാകുമെന്നും അദ്ദേഹം വ്യക്തമാക്കി.
മാണി സി കാപ്പൻ യുഡിഎഫിൽ വന്നാൽ കൈപ്പത്തി ചിഹ്നം നൽകുമെന്ന് കെപിസിസി അധ്യക്ഷന് മുല്ലപ്പള്ളി രാമചന്ദ്രന്നും പറഞ്ഞിട്ടുണ്ട്. പാലാ സീറ്റ് വിട്ട് നൽകുന്നതിൽ പ്രശ്നമില്ലെന്നും മുല്ലപ്പള്ളി പറയുന്നു. 'എൻസിപിയുമായി ഇതുവരെ ഔദ്യോഗിക ചർച്ചകൾ നടന്നിട്ടില്ല. ഇന്ന് ഇത് സംബന്ധിച്ച് ചർച്ചകൾ നടന്നേക്കും. മാണി സി കാപ്പൻ കോൺഗ്രസിലേക്ക് വന്നാൽ സന്തോഷം. കോൺഗ്രസിലേക്ക് വന്നാൽ കൈപ്പത്തി ചിഹ്നം നൽകാൻ കഴിയും' എന്നാണ് മുല്ലപ്പള്ളിയുടെ വാക്കുകൾ.
രമേശ് ചെന്നിത്തലയുടെ ഐശ്വര്യ കേരള യാത്ര കോട്ടയത്തെത്തുമ്പോൾ മാണി സി കാപ്പൻ യുഡിഎഫിൽ പ്രവേശിക്കുമെന്ന അഭ്യൂഹങ്ങളും ഉയർന്നിട്ടുണ്ട്. മാണി സി കാപ്പന്റെ സ്വീകരണ പരിപാടിയെക്കുറിച്ച് ഉൾപ്പെടെയാണ് പ്രചരണങ്ങൾ.
അതേസമയം പാലായില് തന്നെ മത്സരിക്കുമെന്ന് മാണി സി കാപ്പന് വ്യക്തമാക്കിയിട്ടുണ്ട്. ശരദ് പവാറുമായുള്ള കൂടിക്കാഴ്ചയ്ക്ക് ശേഷമായിരുന്നു അദ്ദേഹത്തിന്റെ പ്രതികരണം. മുന്നണി മാറ്റത്തെ കുറിച്ചും മറ്റുമുള്ള അന്തിമ തീരമാനം നാളെ നടക്കുന്ന ശരത് പവാർ – പ്രഫുൽ പട്ടേൽ ചർച്ചയിലുണ്ടാകുമെന്നും അദ്ദേഹം വ്യക്തമാക്കി.
മാണി സി കാപ്പൻ യുഡിഎഫിൽ വന്നാൽ കൈപ്പത്തി ചിഹ്നം നൽകുമെന്ന് കെപിസിസി അധ്യക്ഷന് മുല്ലപ്പള്ളി രാമചന്ദ്രന്നും പറഞ്ഞിട്ടുണ്ട്. പാലാ സീറ്റ് വിട്ട് നൽകുന്നതിൽ പ്രശ്നമില്ലെന്നും മുല്ലപ്പള്ളി പറയുന്നു. 'എൻസിപിയുമായി ഇതുവരെ ഔദ്യോഗിക ചർച്ചകൾ നടന്നിട്ടില്ല. ഇന്ന് ഇത് സംബന്ധിച്ച് ചർച്ചകൾ നടന്നേക്കും. മാണി സി കാപ്പൻ കോൺഗ്രസിലേക്ക് വന്നാൽ സന്തോഷം. കോൺഗ്രസിലേക്ക് വന്നാൽ കൈപ്പത്തി ചിഹ്നം നൽകാൻ കഴിയും' എന്നാണ് മുല്ലപ്പള്ളിയുടെ വാക്കുകൾ.
രമേശ് ചെന്നിത്തലയുടെ ഐശ്വര്യ കേരള യാത്ര കോട്ടയത്തെത്തുമ്പോൾ മാണി സി കാപ്പൻ യുഡിഎഫിൽ പ്രവേശിക്കുമെന്ന അഭ്യൂഹങ്ങളും ഉയർന്നിട്ടുണ്ട്. മാണി സി കാപ്പന്റെ സ്വീകരണ പരിപാടിയെക്കുറിച്ച് ഉൾപ്പെടെയാണ് പ്രചരണങ്ങൾ.