മുഖ്യമന്ത്രിയുടെ പത്രസമ്മേളനം ഗിരിപ്രഭാഷണം; ഇടതുമുന്നണിയില്‍ സ്വര്‍ണ്ണക്കളക്കടത്തും ഡോളര്‍ കടത്തും നാടുകടത്തലും: രമേശ് ചെന്നിത്തല

തിരുവനന്തപുരം: ഇടതുപക്ഷ സര്‍ക്കാരിനെതിരെ രൂക്ഷ വിമര്‍ശനങ്ങളുമായി പ്രതിപക്ഷ നേതാവ് രമേശ് ചെന്നിത്തല. ഇപ്പോള്‍ ഇടതുപക്ഷ സര്‍ക്കാരിന് കീഴില്‍ നടക്കുന്നത് സ്വര്‍ണ്ണക്കളക്കടത്തും ഡോളര്‍ കടത്തും നാടുകടത്തലുമാണെന്ന് രമേശ് ചെന്നിത്തല പറഞ്ഞു. ഇത്തരം കടത്തുകളൊക്കെ നടത്തുന്നത് മുഖ്യമന്ത്രിയുടെ പ്രിന്‍സിപ്പല്‍ സെക്രട്ടറി, മന്ത്രി, സ്വപ്‌ന സുരേഷ് എന്നിവരാണെന്ന് ചെന്നിത്തല ആരോപിച്ചു.

Also Read: എട്ട് മാസത്തിനിപ്പുറം മക്ക തുറക്കുന്നു; ഉംറ തീര്‍ഥാടകരെ വരവേല്‍ക്കാനൊരുങ്ങി സൗദി, ക്രമീകരണങ്ങള്‍ ഇങ്ങനെ

'മുഖ്യമന്ത്രിയുടെ പതിവായുള്ള പത്രസമ്മേളനത്തില്‍ ഗിരിപ്രഭാഷണങ്ങളാണ് നടത്തുന്നത്. ആരെ കബളിപ്പിക്കാനാണ് ഈ ഗിരിപ്രസംഗമെന്നാണ് മുഖ്യമന്ത്രിയോട് തനിക്ക് ചോദിക്കാനുള്ളതെന്നും അദ്ദേഹം പറഞ്ഞു. അന്വേഷണം ശരിയായ ദിശശിലൂടെയാണ് പോകുന്നതെന്നാണ് മുഖ്യമന്ത്രി പലതവണ പത്രസമ്മേളനത്തില്‍ പറഞ്ഞത്. അത് മുഖവിലയ്ക്ക് എടുക്കുകയാണെങ്കില്‍ ഈ അന്വേഷണ ഏജന്‍സികള്‍ പുറത്തുവിടുന്ന മൊഴികള്‍ എല്ലാം വിശസ്വനീയമാണെന്ന് കാണേണ്ടിയിരിക്കുന്നു'.

ആരോപണ വിധേയനായ മന്ത്രി ജലീല്‍, മകന് ജോലി തേടാന്‍ പോയ മന്ത്രി കടകംപള്ളി സുരേന്ദ്രന്‍, സ്വര്‍ണ്ണക്കള്ളക്കടത്ത് കേസില്‍ മുഖ്യകണ്ണിയായി മാറിയെന്ന് മൊഴി പുറത്തുവിട്ടുള്ള കാരാട്ട് റസാക്, ഇടതു മുന്നണിയുടെ മുന്‍സിപ്പല്‍ കൗണ്‍സിലര്‍ കാരാട്ട് ഫൈസല്‍ ഇതെല്ലാം ചൂണ്ടിക്കാണിക്കുന്നത് സ്വര്‍ണക്കടത്തുമായി ബന്ധപ്പെട്ട് ഇടതുപക്ഷ ജനാധിപത്യ മുന്നണിക്കാണ് ഏറ്റവും കൂടുതല്‍ ബന്ധമുള്ളത് എന്നല്ലേയെന്നും ചെന്നിത്തല ചോദിച്ചു. ഇപ്പോള്‍ നെഞ്ചിടിപ്പ് വര്‍ദ്ധിക്കുന്നതും മുട്ടു കൂട്ടിയിടിക്കുന്നതും മുഖ്യമന്ത്രിയുടേതാണെന്ന് ചെന്നിത്തല പറഞ്ഞു.

Also Read: വാക്സിൻ എന്ന് ലഭിക്കും? ഇന്ത്യയുടെ കൊവാക്സിൻ മൂന്നാംഘട്ട പരീക്ഷണത്തിലേക്ക്; ഓക്സഫഡ് വാക്സിനും പ്രതീക്ഷ നൽകുന്നു

ഹവാല ഇടപാടുകള്‍ക്കും സ്വര്‍ണക്കടത്തിനും മുഖ്യമന്ത്രിയുടെ ഓഫിസിനെ നഗ്നമായി ദുരുപയോഗപ്പെടുത്തിയിട്ടുണ്ടെന്നാണ് പുറത്തുവരുന്ന വാര്‍ത്തകള്‍. ഇത് മഞ്ഞുമലയുടെ ഒരറ്റം മാത്രമാണ്. ഇനിയുള്ള ദിവസങ്ങളില്‍ കൂടുതല്‍ കൂടുതല്‍ വാര്‍ത്തകളും തെളിവുകളും മൊഴികളും പുറത്തുവരുമെന്ന് പ്രതീക്ഷിക്കാമെന്ന് അദ്ദേഹം കൂട്ടിച്ചേര്‍ത്തു.