ആപ്പ്ജില്ല

സ്വാശ്രയ സമരം: വിഎസ്സിനെ സ്വാഗതം ചെയ്ത് പ്രതിപക്ഷം

സമരം മുന്നോട്ട് കൊണ്ടുപോകാനാണ് തീരുമാനമെന്ന് രമേശ് ചെന്നിത്തല

TNN 2 Oct 2016, 11:18 am
തിരുവനന്തപുരം: സ്വാശ്രയ പ്രശ്നത്തില്‍ പ്രതിപക്ഷ എംഎല്‍എമാര്‍ നടത്തുന്ന നിരാഹാരസമരം സര്‍ക്കാര്‍ ഒത്തുതീര്‍ക്കണമെന്ന ഭരണപരിഷ്കാര കമ്മീഷന്‍ ചെയര്‍മാന്‍ വിഎസ് അച്ചുതാനന്തന്‍റെ പ്രസ്താവന പ്രതിപക്ഷ നേതാക്കള്‍ സ്വാഗതം ചെയ്തു.
Samayam Malayalam opposition leaders welcome vss comment
സ്വാശ്രയ സമരം: വിഎസ്സിനെ സ്വാഗതം ചെയ്ത് പ്രതിപക്ഷം


മുതിര്‍ന്ന നേതാവ് വിഎസ് അച്ചുതാനന്തന്‍റെ ഉപദേശം സര്‍ക്കാര്‍ കണക്കിലെടുക്കണമെന്ന് പ്രതിപക്ഷ നേതാവ് രമേശ് ചെന്നിത്തല മാധ്യമ പ്രവര്‍ത്തകരോട് പറഞ്ഞു. ഒത്തുതീര്‍പ്പിന് സര്‍ക്കാര്‍ ക്ഷണിക്കണമെന്നും അദ്ദേഹം ആവശ്യപ്പെട്ടു. കേരളത്തില്‍ മുന്‍പും സമരങ്ങള്‍ ഉണ്ടായിട്ടുണ്ട്. മൂന്നു നാല് ദിവസങ്ങള്‍ക്കുള്ളില്‍ അവ ചര്‍ച്ച ചെയ്ത് പരിഹരിക്കുകയാണ് രീതി. സമരം മുന്നോട്ട് കൊണ്ടുപോകാനാണ് ഇപ്പോള്‍ തീരുമാനമെന്നും അദ്ദേഹം സൂചിപ്പിച്ചു.

കെപിസിസി അധ്യക്ഷന്‍ വിഎം സുധീരനും വിഎസ് അച്ചുതാനന്തന്‍റെ പ്രസ്താവന സ്വാഗതം ചെയ്തു. സ്വാഭാവികമായും ന്യായമായി ചിന്തിക്കുന്നവരുടെ പ്രതികരണമാണ് വിഎസ്സില്‍ നിന്ന് ഉണ്ടായത്. കേരളീയ സമൂഹത്തിന്‍റെ പൊതുതാല്‍പര്യം പരിഗണിച്ച് സഹിഷ്ണുതയോടെ സര്‍ക്കാര്‍ പ്രതികരിക്കണം. പ്രതിപക്ഷത്തിന്‍റെ ന്യായമായ സമരം സര്‍ക്കാര്‍ പരിഗണിക്കണം. വിഎം സുധീരന്‍ മാധ്യമങ്ങളോട് പറഞ്ഞു.

Congress Leaders Welcome VS's Statement

Leader of Opposition Ramesh Chennithala and KPCC President VM Sudheeran welcomed VS Achuthananthan's criticism of LDF government, for not settling the hunger strike observed by UDF MLAs in Kerala Assembly.

ആര്‍ട്ടിക്കിള്‍ ഷോ

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക്പേജ് ലൈക്ക് ചെയ്യൂ
ട്രെൻഡിങ്