കോട്ടയം: സർക്കാരിനെതിരെ ഓർത്തഡോക്സ് സഭയുടെ മാനേജിങ് കമ്മിറ്റി പ്രമേയം. കോടതി വിധി നടപ്പാക്കുന്നതിൽ സർക്കാർ അലംഭാവം കാട്ടുന്നുവെന്ന് ആരോപിച്ചാണ് പ്രമേയം കൊണ്ടുവന്നിരിക്കുന്നത്. എല്ലാ ഭദ്രാസനങ്ങളിലും ഞായറാഴ്ച പ്രമേയം അവതരിപ്പിക്കാനും പാസാക്കാനുമാണ് തീരുമാനം. ബുധനാഴ്ച ഗവർണറെ കാണാനും സഭ തീരുമാനിച്ചിട്ടുണ്ട്. നേരത്തെ, മാറിമാറി വരുന്ന സർക്കാരുകൾ നീതി നടപ്പാക്കാൻ ഇടപെട്ടില്ലെന്നും വോട്ട് ബാങ്ക് ലക്ഷ്യമിട്ടാണ് സർക്കാരുകൾ പ്രവർത്തിക്കുന്നതെന്നും ഓർത്തഡോക്സ് സഭയുടെ പരമാധ്യക്ഷൻ ബസേലിയോസ് പൌലോസ് ദ്വീതീയൻ ബാവ പറഞ്ഞിരുന്നു.
കോതമംഗലം പള്ളിത്തർക്ക വിഷയത്തിൽ തോമസ് പോൾ റമ്പാനെ പോലീസ് അറസ്റ്റ് ചെയ്ത് നീക്കിയിരുന്നു. ആരോഗ്യനില മോശമായതിനെത്തുടർന്ന് ജില്ലാ കളക്ടറുടെ നേതൃത്വത്തിലാണ് റമ്പാനെ അറസ്റ്റ് ചെയ്തത്. തനിക്ക് ആരോഗ്യ പ്രശ്നങ്ങളില്ലായിരുന്നുവെന്ന് തോമസ് പറഞ്ഞു. കോടതി വിധിയുടെ പശ്ചാത്തലത്തിൽ കോതമംഗലം ചെറിയ പള്ളിയിലെത്തിയ ഓർത്തഡോക്സ് റമ്പാനെ 26 മണിക്കൂറുകൾക്ക് ശേഷമായിരുന്നു പള്ളിയിൽനിന്നും മാറ്റിയത്.
കോതമംഗലം പള്ളിത്തർക്ക വിഷയത്തിൽ തോമസ് പോൾ റമ്പാനെ പോലീസ് അറസ്റ്റ് ചെയ്ത് നീക്കിയിരുന്നു. ആരോഗ്യനില മോശമായതിനെത്തുടർന്ന് ജില്ലാ കളക്ടറുടെ നേതൃത്വത്തിലാണ് റമ്പാനെ അറസ്റ്റ് ചെയ്തത്. തനിക്ക് ആരോഗ്യ പ്രശ്നങ്ങളില്ലായിരുന്നുവെന്ന് തോമസ് പറഞ്ഞു. കോടതി വിധിയുടെ പശ്ചാത്തലത്തിൽ കോതമംഗലം ചെറിയ പള്ളിയിലെത്തിയ ഓർത്തഡോക്സ് റമ്പാനെ 26 മണിക്കൂറുകൾക്ക് ശേഷമായിരുന്നു പള്ളിയിൽനിന്നും മാറ്റിയത്.