സഭാ പ്രശ്നത്തിൽ ബിജെപി നിലപാട് സ്വാഗതാര്‍ഹമെന്ന് ഓർത്തഡോക്സ് സഭ

തിരുവനന്തപുരം: ഓർത്തഡോക്സ്- യാക്കോബായ തർക്കവിഷയത്തിൽ പ്രതികരണവുമായി ഓര്‍‍ത്തഡോക്സ് സഭാ വൈദിക ട്രസ്റ്റി ഫാ. എം ഒ ജോണ്‍. ഓർത്തഡോക്സ് സഭ സർക്കാരിനെതിരെ രൂക്ഷ വിമർശനമാണ് നടത്തിയതെന്ന് ഏഷ്യാനെറ്റ് ന്യൂസാണ് റിപ്പോർട്ട് ചെയ്തത്. സഭയോട് അനീതി കാണിച്ചത് ആരാണെന്ന് വിശ്വാസികള്‍ക്കറിയാമെന്ന് എം ഒ ജോണ്‍ പറഞ്ഞു.

സഭാ പ്രശ്നം പരിഹരിക്കാൻ ബിജെപി സ്വീകരിക്കുന്ന നിലപാട് സ്വാഗതാര്‍ഹമാണെന്നും ഓര്‍‍ത്തഡോക്സ് സഭാ വൈദിക ട്രസ്റ്റി ഫാ. എം ഒ ജോണ്‍ പ്രതികരിച്ചു. തെരഞ്ഞെടുപ്പ് കാലത്ത് കോടതിയിൽ നിന്ന് തിരിച്ചടി ഉണ്ടാകുമെന്ന് അറിയാവുന്നതിനാലാണ് സഭാ തര്‍ക്കത്തില്‍ സര്‍ക്കാര്‍ നിയമനിര്‍മ്മാണം നടത്താത്തതെന്നും അദ്ദേഹം പറയുന്നു.

Also Read : 45 വയസിനു മുകളിൽ പ്രായമുള്ള എല്ലാവർക്കും നാളെ മുതൽ വാക്സിൻ; ശ്രദ്ധിക്കേണ്ട കാര്യങ്ങള്‍

വിശ്വാസികള്‍ യുക്തമായ തരത്തില്‍ തെരഞ്ഞെടുപ്പില്‍ പ്രതികരിക്കുമെന്നും എംഒ ജോൺ പറഞ്ഞു. പത്തനംതിട്ടയിലടക്കം ഒരു ജില്ലയിലും സഭയ്ക്ക് സ്ഥാനാര്‍ത്ഥികളില്ലെന്നും അദ്ദേഹം വ്യക്തമാക്കി. ലൗ ജിഹാദ് വിഷയം ഇപ്പോൾ വീണ്ടും ഉയര്‍ത്തിക്കൊണ്ട് വരുന്നത് രാഷ്ട്രീയ മുതലെടുപ്പിനാണെന്നും അദ്ദേഹം വമർശിച്ചു.

Also Read : തെരഞ്ഞെടുപ്പ് വന്നാൽ റേഷൻ കട തുറക്കരുതെന്നാണോ? കൊവിഡ് വാക്‌സിൻ്റെ ഗുണഫലം രണ്ട് മാസം കൊണ്ടെന്ന് ആരോഗ്യമന്ത്രി

കേരളാ കോൺഗ്ര് എം നേതാവ് ജോസ് കെ മാണി ലൗ ജിഹാദ് വിഷയത്തിൽ നടത്തിയ പ്രതികരണം വിവാദമായിരുന്നു ഈ സാഹചര്യത്തിലാണ് ഓർത്തഡോക്സ് സഭ പ്രതിനിധിയുടെ പ്രതികരണം. അതേസമയം ജോസ് കെ മാണി തന്‍റെ പ്രസ്താവന വ്യക്തമാക്കി രംഗത്തെത്തുകയും ചെയ്തിരുന്നു. സര്‍ക്കാരിന്‍റെയും ഇടതുമുന്നണിയുടെയും അഭിപ്രായമാണ് തനിക്കെന്നായിരുന്നു ജോസ് കെ മാണി പറഞ്ഞത്. ഇടതുനേതാക്കൾ ജോസിന്‍റെ പ്രസ്താവനയെ തള്ളിയതിന് പിന്നാലെയായിരുന്നു ഇത്.