മലങ്കര സഭാ തര്‍ക്കം: പള്ളി വികാരിയെ തെരഞ്ഞെടുക്കാനുള്ള അധികാരം ഇടവകക്കാര്‍ക്ക് നല്‍കിയേക്കും; പുതിയ ബില്ല്

ന്യൂഡല്‍ഹി: മലങ്കര സഭാ തര്‍ക്കം പരിഹരിക്കാനുള്ള പുതിയ ബില്ല് തയ്യാറാക്കാന്‍ സംസ്ഥാന സര്‍ക്കാര്‍. സുപ്രിം കോടതി വിധിയില്‍ നിന്നുകൊണ്ടായിരിക്കും പുതിയ ബില്ല് കൊണ്ടുവരിക. 1934 ലെ സഭാ ഭരണഘടനയുടെ അടിസ്ഥാനത്തില്‍ ആയിരിക്കണം പള്ളികളുടെ ഭരണമെന്ന് സുപ്രിം കോടതി വിധി പുറപ്പെടുവിച്ചിരുന്നു. സര്‍ക്കാര്‍ ബില്ലില്‍ പള്ളി വികാരിയെ തെരഞ്ഞെടുക്കാനുള്ള അധികാരം ഇടവകക്കാര്‍ക്ക് നല്‍കിയേക്കും.

Also Read: സ്ത്രീധനം വേണ്ടെന്ന് പറഞ്ഞു കല്യാണം ഉറപ്പിച്ചു, തവണകളായി പണം വാങ്ങി; വാക്ക് മാറിയപ്പോൾ പെണ്‍കുട്ടി ജീവനൊടുക്കി

മലങ്കര സഭാംഗങ്ങള്‍ക്ക് ഭൂരിപക്ഷമുള്ള പള്ളികളില്‍ അവര്‍ക്ക് ആരാധനാ സ്വാതന്ത്ര്യം ഉറപ്പുവരുത്തുകയെന്നതാണ് സര്‍ക്കാര്‍ ഇതിലൂടെ ലക്ഷ്യം വയ്ക്കുന്നത്. നിലവില്‍ യാക്കോബായ സഭാംഗങ്ങള്‍ക്ക് ഭൂരിപക്ഷമുള്ള പള്ളികളിലും ഇടവക മെത്രാപോലീത്തയാണ് വികാരിയെ നിയമിക്കുന്നത്. ഈ രീതി മാറ്റുകയും ഇടവകാംഗങ്ങള്‍ക്ക് വികാരിയെ തെരഞ്ഞെടുക്കാനുള്ള അധികാരം ഉറപ്പാക്കുന്ന നിയമനിര്‍മ്മാണമാണ് സര്‍ക്കാര്‍ പരിഗണിക്കുന്നതെന്നാണ് സൂചനയെന്ന് മാതൃഭൂമി ന്യൂസ് റിപ്പോര്‍ട്ട് ചെയ്തു.

Also Read: ആയുധങ്ങൾ കൈമാറി, ചിത്രങ്ങൾ പകർത്തി; രണ്ട് തീവ്രവാദികളെ വധിച്ച് സൗദി അറേബ്യ

1934 ലെ സഭാ ഭരണഘടന പ്രകാരം, മലങ്കര സഭയുടെ പള്ളി ഭരണത്തിനുള്ള മാനേജിങ് കമ്മിറ്റിയെ തെരഞ്ഞെടുക്കുന്നതിനുള്ള ഇടവക കമ്മിറ്റി അംഗങ്ങളുടെ പട്ടിക തയ്യാറാക്കുന്നതില്‍ വികാരിക്ക് സുപ്രധാന പങ്കാണ് ഉള്ളത്. പള്ളികളില്‍ ഭൂരിപക്ഷം ഉണ്ടെങ്കിലും ഇടവക മെത്രാപോലീത്ത നിയമിക്കുന്ന വികാരി തങ്ങളുടെ വികാരം ഉള്‍ക്കൊള്ളില്ലെന്നാണ് യാക്കോബായ സഭാംഗങ്ങളുടെ പരാതി. ഇത് മറികടക്കുന്നതിനും കൂടിയാണ് വികാരിയെ തെരഞ്ഞെടുക്കുന്നതിനുള്ള അധികാരം ഇടവകാംഗങ്ങള്‍ക്ക് കൈമാറാനുള്ള സര്‍ക്കാരിന്റെ ലക്ഷ്യം.

Read Latest Kerala News and Malayalam News