ഒന്നാം വാര്ഷികം പ്രമാണിച്ച് കൊച്ചി മെട്രോയിൽ സൗജന്യയാത്ര നടത്തിയത് 1,44,944 പേര്. കൊച്ചി മെട്രോയുടെ ഫേസ്ബുക്ക് പേജിലാണ് ഇത് പങ്കുവച്ചിരിക്കുന്നത്. രാത്രി ഏഴുമണിവരെയുള്ള കണക്കാണിത്. ജൂൺ 19ന് മെട്രോയുടെ വാർഷികാഘോഷം പ്രമാണിച്ച് കെഎംആർഎൽ സൗജന്യയാത്ര അനുവദിച്ചിരുന്നു. 1,20,000 യാത്രക്കാരെയാണ് പ്രതീക്ഷിച്ചിരുന്നതെന്ന് കെഎംആർഎൽ എം.ഡി മുഹമ്മദ് ഹനീഷ് മാധ്യമങ്ങളോട് പറഞ്ഞു. സാധാരാണ ദിവസങ്ങളിൽ 40,000ത്തിൽ താഴെയാളുകളാണ് മെട്രോയിൽ കയറിയിട്ടുള്ളത്. 90,000 യാത്രക്കാർ ഒരു ദിവസം കയറിയിരുന്നു എന്നതായിരുന്നു ഇതിനുമുന്നിലെ റെക്കോർഡ്.
മെട്രോയിൽ സൗജന്യ യാത്ര നടത്തിയത് 1,44,944 പേർ
ജൂൺ 19ന് മെട്രോയുടെ വാർഷികാഘോഷം പ്രമാണിച്ച് കെഎംആർഎൽ സൗജന്യയാത്ര അനുവദിച്ചിരുന്നു
Samayam Malayalam 20 Jun 2018, 3:26 pm