കണ്ണൂരില്‍ പ്രവേശിക്കാനുള്ള പി.ജയരാജന്‍റെ ഹര്‍ജി തള്ളി

കണ്ണുര്‍ ജില്ലയില്‍ പ്രവേശനാനുമതി തേടി പി.ജയരാജന്‍ സമര്‍പ്പിച്ച ഹര്‍ജി തലശേരി സെഷന്‍സ് കോടതി തള്ളി. ചികിത്സ ആവശ്യത്തിനായി ഈ മാസം 17, 18 തീയതികളില്‍ ജില്ലയില്‍ പ്രവേശിക്കാന്‍ അനുവദിക്കണമെന്നായിരുന്നു ആവശ്യം. എന്നാല്‍ 16ന് വോട്ടു ചെയ്യാന്‍ ജില്ലയില്‍ പ്രവേശിക്കാന്‍ അനുമതിയുണ്ട്.

കതിരുര്‍ മനോജ് വധക്കേസില്‍ അറസ്റ്റിലായ ജയരാജന് കടുത്ത ഉപാധികളോടെയാണ് ജാമ്യം അനുവദിച്ചത്. കണ്ണൂര്‍ ജില്ലയില്‍ പ്രവേശിക്കാന്‍ പാടില്ലെന്ന നിബന്ധനയുമുണ്ട്.