മലയാളികൾ പാക് വിമാനത്താവളത്തിന്‍റെ വെബ്‌സൈറ്റ് ഹാക്ക് ചെയ്തു

തിരുവനന്തപുരം വിമാനത്താവളത്തിന്‍റെ വെബ്‌സൈറ്റ് ഹാക്ക് ചെയ്ത പാക് ഹാക്കര്‍മാര്‍ക്ക് മലയാളി ഹാക്കര്‍മാരുടെ ചുട്ട മറുപടി. പാക്കിസ്ഥാനിലെ സിയാല്‍കോട്ട് രാജ്യാന്തര വിമാനത്താവളത്തിന്‍റെ വെബ്‌സൈറ്റ് മലയാളി ഹാക്കര്‍മാരായ മല്ലു സൈബര്‍ സോള്‍ജ്യേഴ്‌സ് ഹാക്ക് ചെയ്തു.

തങ്ങളുടെ ഫേസ്‌ബുക്ക് പേജിലൂടെയാണ് ഇക്കാര്യം ഇവര്‍ പൊടുജനത്തെ അറിയിച്ചത്. ഇവരുടെ ഫേസ്‌ബുക്ക് പേജില്‍ പാക് വെബ്‌സൈറ്റിന്‍റെ യൂസര്‍ നേയിമും പാസ് വേഡും പരസ്യപ്പെടുത്തുകയും ചെയ്തിട്ടുണ്ട്. ഓരോ ഇന്ത്യക്കാരോടും പ്രതിഷേധം രേഖപ്പെടുത്താന്‍ ആഹ്വാനം ചെയ്തുകൊണ്ടാണ് ഫേസ്ബുക്ക് പോസ്റ്റ്.

തിരുവനന്തപുരം വിമാനത്താവളത്തിന്റെ വെബ്‌സൈറ്റ് ഹാക്ക് ചെയ്തത് കശ്‍‍മീരി ചീറ്റ എന്ന ഗ്രൂപ്പായിരുന്നു . 'മെസ് വിത് ദി ബെസ്റ്റ്, ഡൈ ലൈക്ക് ദി റെസ്റ്റ്' എന്ന സന്ദേശവും പാക് ഹാക്കര്‍മാര്‍ വെബ്‌സൈറ്റില്‍ കുറിച്ചിരുന്നു. ഹാക്ക് ചെയ്യപ്പെട്ട് അധികം താമസിയാതെ തന്നെ വെബ്‌സൈറ്റ് പുനസ്ഥാപിച്ചിരുന്നു.




Pakistan airport website hacked by mallu hackers

Pakistan airport website hacked by mallu hackers insted of their Activity to trivandrum airport website, Yesterday.