കിരീടത്തില്‍ വീണ്ടും മുത്തമിട്ട് പാലക്കാട്; രണ്ടാം സ്ഥാനം പങ്കിട്ട് കോഴിക്കോടും കണ്ണൂരും

കാഞ്ഞങ്ങാട്: അറുപതാമത് സംസ്ഥാന സ്‌കൂള്‍ കലോത്സവത്തില്‍ കിരീടത്തില്‍ മുത്തമിട്ട് പാലക്കാട്. 951 പോയിന്റോടെയാാണ് പാലക്കാടിന്റെ കിരീടനേട്ടം. അവസാന മണിക്കൂറുകളില്‍ നടന്ന ആവേശകരമായ പോരാട്ടത്തിന് ഒടുവിലാണ് ഒന്നാം സ്ഥാനം പാലക്കാട് സ്വന്തമാക്കിയത്. കഴിഞ്ഞ വര്‍ഷവും പാലക്കാട് ആയിരുന്നു കലോത്സവ കിരീടം നേടിയത്. 949 പോയിന്‍റോടെ രണ്ടാം സ്ഥാനം കോഴിക്കോടും കണ്ണൂരും തമ്മില്‍ പങ്കിട്ടു. 940 പോയിന്‍റുമായി തൃശ്ശൂര്‍ മൂന്നാം സ്ഥാനത്തെത്തി.

കോഴിക്കോട്, കണ്ണൂര്‍ ജില്ലകളില്‍ നിന്ന് രണ്ട് പോയിന്റിന്റെ മുന്‍തൂക്കത്തിലാണ് പാലക്കാട് കിരീടം നിലനിര്‍ത്തിയത്. സംസ്‌കൃതോത്സവത്തില്‍ എറണാകുളവും തൃശ്ശൂരും ജേതാക്കളായി. അറബിക് കലോത്സവത്തില്‍ നാല് ജില്ലകള്‍ ഒന്നാം സ്ഥാനം പങ്കിട്ടു.



സ്‌കൂളുകളില്‍ പാലക്കാട് ആലത്തൂര്‍ ബിഎസ്എസ് ഗുരുകുലം ഹയര്‍ സെക്കന്ററി ഒന്നാമതും ആലപ്പുഴ മാന്നാര്‍ എന്‍ എസ് ബോയ്‌സ് എച്ച്എസ്എസ് രണ്ടാമതെത്തി. അടുത്ത വര്‍ഷം സ്കൂള്‍ കലോത്സവം കൊല്ലം ജില്ലയില്‍ വച്ച് നടക്കും.