കൊച്ചി: പാലാരിവട്ടം പാലം അഴിമതിക്കേസില് മുന് പൊതുമരാമത്ത് വകുപ്പ് മന്ത്രി വികെ ഇബ്രാഹിം കുഞ്ഞിനെതിരെ മുന് പൊതുമരാമത്ത് വകുപ്പ് സെക്രട്ടറി ടിഒ സൂരജ് ഉന്നയിച്ച ആരോപണങ്ങള് തെറ്റെന്ന് വിജിലന്സ്. ഹൈക്കോടതിയില് സമര്പ്പിച്ച സത്യവാങ്മൂലത്തിലാണ് ഇക്കാര്യം വ്യക്തമാക്കിയിരിക്കുന്നത്. ആര്ഡിഎസ് പ്രോജക്ട്സിന് പലിശരഹിത മുന്കൂര് പണം നല്കാന് മന്ത്രി ഉത്തരവിട്ടെന്ന സൂരജിന്റെ വാദം തെറ്റെന്നാണ് വിജിലന്സ് റിപ്പോര്ട്ടിലുള്ളത്. പലിശ എത്രയെന്ന് തീരുമാനിച്ചത് സൂരജ് നേരിട്ടായിരുന്നെന്നും ഇബ്രാഹിംകുഞ്ഞിന് അതില് പങ്കില്ലെന്നുമാണ് വിജിലന്സ് റിപ്പോര്ട്ട് പറയുന്നത്. പൊതുമേഖലാ സ്ഥാപനങ്ങളില് നിന്ന് സര്ക്കാര് 11 മുതല് 14 ശതമാനം വരെ പലിശ നിരക്കില് പണമെടുക്കുന്ന ഘട്ടത്തിലാണ് നിര്മാണ കമ്പനിക്ക് ഏഴ് ശതമാനം മാത്രം പലിശ നിരക്കില് പണം നല്കാന് സൂരജ് തീരുമാനിച്ചതെന്നും സത്യവാങ്മൂലത്തില് പറയുന്നു.
അഴിമതിക്കേസില് ഇബ്രാഹിംകുഞ്ഞിന്റെ പങ്കിനെക്കുറിച്ച് അന്വേഷണം നടക്കുകയാണെന്നും വിജിലന്സ് ഹൈക്കോടതിയെ അറിയിച്ചിട്ടുണ്ട്. നേരത്തെ സൂരജിന്റെ മൊഴിയുടെ അടിസ്ഥാനത്തില് മുന് മന്ത്രിയെ അറസ്റ്റ് ചെയ്യുമെന്ന അഭ്യൂഹങ്ങള് ഉയര്ന്നിരുന്നു. എന്നാല് സൂരജിന്റെ ആരോപണങ്ങള് തെറ്റാണെന്ന കണ്ടെത്തലിലാണ് വിജിലന്സെന്നാണ് സത്യവാങ്മൂലത്തില് നിന്ന് വ്യക്തമാകുന്നത്.
അഴിമതിക്കേസില് റിമാന്ഡില് കഴിയുന്ന സൂരജ് ഉള്പ്പെടെയുള്ള നാലുപ്രതികളുടെ ജാമ്യാപേക്ഷ എതിര്ത്തുള്ള സത്യവാങ്മൂലത്തിലാണ് ഇബ്രാഹിംകുഞ്ഞിനെതിരായ സൂരജിന്റെ ആരോപണങ്ങള് വിജിലന്സ് നിഷേധിച്ചിരിക്കുന്നത്.
അഴിമതിക്കേസില് ഇബ്രാഹിംകുഞ്ഞിന്റെ പങ്കിനെക്കുറിച്ച് അന്വേഷണം നടക്കുകയാണെന്നും വിജിലന്സ് ഹൈക്കോടതിയെ അറിയിച്ചിട്ടുണ്ട്. നേരത്തെ സൂരജിന്റെ മൊഴിയുടെ അടിസ്ഥാനത്തില് മുന് മന്ത്രിയെ അറസ്റ്റ് ചെയ്യുമെന്ന അഭ്യൂഹങ്ങള് ഉയര്ന്നിരുന്നു. എന്നാല് സൂരജിന്റെ ആരോപണങ്ങള് തെറ്റാണെന്ന കണ്ടെത്തലിലാണ് വിജിലന്സെന്നാണ് സത്യവാങ്മൂലത്തില് നിന്ന് വ്യക്തമാകുന്നത്.
അഴിമതിക്കേസില് റിമാന്ഡില് കഴിയുന്ന സൂരജ് ഉള്പ്പെടെയുള്ള നാലുപ്രതികളുടെ ജാമ്യാപേക്ഷ എതിര്ത്തുള്ള സത്യവാങ്മൂലത്തിലാണ് ഇബ്രാഹിംകുഞ്ഞിനെതിരായ സൂരജിന്റെ ആരോപണങ്ങള് വിജിലന്സ് നിഷേധിച്ചിരിക്കുന്നത്.