പാലിയേക്കര ടോള്‍ പിരിവ് ഈ മാസം 31ന് ആരംഭിക്കും

തൃശ്ശൂര്‍: പ്രളയത്തെ തുടര്‍ന്ന് നിർത്തിവെച്ച പാലിയേക്കര ടോള്‍ പിരിവ് ഈ മാസം 31ന് ആരംഭിക്കും. ടോള്‍ പ്ലാസയുടെ ടണലില്‍ വെള്ളം കയറി ഉപകരണങ്ങള്‍ നശിച്ചിരുന്നു. തത്ക്കാലിക സജ്ജീകരണങ്ങള്‍ ഒരുക്കിയാണ് ടോള്‍ പിരിവ് ആരംഭിക്കുന്നത്. ദുരിതാശ്വാസ വാഹനങ്ങളെ ടോളില്‍ നിന്ന് ഒഴിവാക്കിയതായി കമ്പനി അധികൃതര്‍ അറിയിച്ചു.

ദേശീയപാതയില്‍ ടാറിങ് പ്രവര്‍ത്തനങ്ങള്‍ ആരംഭിച്ചു. സര്‍ക്കാര്‍ ഇടപ്പെട്ട് ടോള്‍ പിരിവ് നിരോധനം ദീര്‍ഘിപ്പിക്കണമെന്ന് നാട്ടുകാര്‍ ആവശ്യപ്പെട്ടു. പ്രധാന പാതയിലെ തകരാര്‍ പരിഹരിച്ചതിന് ശേഷം മാത്രമാണ് സര്‍വീസ് റോഡുകള്‍ ടാറിങ് നടത്തുന്നത് .