കരിപ്പൂര്‍ വിമാനം കൊച്ചിയില്‍ ഇറക്കി; യാത്രക്കാര്‍ പ്രതിഷേധിച്ചു

കൊച്ചി: കരിപ്പൂരില്‍ ഇറങ്ങേണ്ട ഒമാന്‍ എയര്‍വെയ്‍സ്‍ വിമാനം മോശം കാലാവസ്ഥയെത്തുടര്‍ന്ന് കൊച്ചി അന്താരാഷ്ട്ര വിമാനത്താവളത്തില്‍ ഇറക്കി. കരിപ്പൂരിലേക്ക് സര്‍വീസ് ഒരുക്കാത്തതില്‍ യാത്രക്കാര്‍ പ്രതിഷേധിച്ചു.

മോശം കാലാവസ്ഥയെ തുടര്‍ന്നാണ് വിമാനം ഇന്ന് പുലര്‍ച്ചെ കൊച്ചിയില്‍ ഇറക്കിയതെന്നാണ് അധികൃതര്‍ പറയുന്നത്. എന്നാല്‍ കരിപ്പൂരിലേക്ക് യാത്രികരെ എത്തിക്കുന്നകാര്യം വിമാനക്കമ്പനി പരിഗണിച്ചില്ല.

പൈലറ്റിന്‍റെ ജോലി സമയം കഴിഞ്ഞെന്ന് ചൂണ്ടിക്കാട്ടിയാണ് കമ്പനി യാത്രക്കാരെ പെരുവഴിയിലാക്കിയതെന്ന് മാധ്യമങ്ങള്‍ റിപ്പോര്‍ട്ട് ചെയ്‍തു. 120 പേരാണ് വിമാനത്തിലുണ്ടായിരുന്നത്.

പ്രതിഷേധിച്ച യാത്രികര്‍ വിമാനത്തില്‍ നിന്ന് ഇറങ്ങാന്‍ കൂട്ടാക്കിയില്ല. നാല് മണിക്കൂറിന് മുകളില്‍ യാത്രക്കാര്‍ വിമാനത്തിനുള്ളില്‍ കഴിഞ്ഞു. പോലീസ് ഇടപെട്ടാണ് ആളുകളെ പുറത്തെത്തിച്ചതെന്ന് വിവിധ മാധ്യമങ്ങള്‍ റിപ്പോര്‍ട്ട് ചെയ്‍തു.

Passengers protest in Kochi airport

Passegers of Oman air passenger flight staged a protest in Cochin International Airport after their flight, intended to land in Karipur airport, diverted to Kochi.