ഈ അവധിയ്ക്ക് മാമലക്കണ്ടം വഴി മൂന്നാർ പോയാലോ? അല്ലെങ്കിൽ കൊച്ചി കായലിലൂടെ ഒരു ക്രൂയ്‌സ് യാത്ര ? കുറഞ്ഞ ചെലവിൽ ടൂറിസം പാക്കേജുകൾ

പത്തനംതിട്ട: പോക്കറ്റ് കാലിയാകാതെ ഉല്ലാസയാത്ര പോകാന്‍ ബഡ്ജറ്റ് ടൂറിസത്തിന്‍റെ അനന്തസാധ്യതകൾ ഉപയോഗപ്പെടുത്തിക്കൊണ്ട് കെഎസ്ആർടിസി നടത്തുന്ന വിനോദയാത്രകൾ ഇന്ന് കേരളത്തിൽ വമ്പൻ ഹിറ്റായി കഴിഞ്ഞു. കെഎസ്ആര്‍ടിസിയുടെ ബജറ്റ് ടൂര്‍ പദ്ധതിയിലൂടെ കുറഞ്ഞ ചെലവില്‍ സംസ്ഥാനത്തിന്‍റെ പല ഭാഗങ്ങളിലേക്കും ട്രിപ്പുകള്‍ നടത്തുന്നുണ്ട്. കീശ കാലിയാകാതെ കെഎസ്ആർടിസിയോടൊപ്പം ഉല്ലാസയാത്ര പോകാം എന്നത് തന്നെയാണ് ഈ ട്രിപ്പുകളുടെ പ്രധാന ആകർഷണം.'സുഖ യാത്ര സുരക്ഷിത യാത്ര....' എന്നിങ്ങനെയുള്ള പ്രഖ്യാപനങ്ങളുമായി ഈ അവധിക്കാലം ആഘോഷിക്കുവാൻ സഞ്ചാര പ്രേമികളെ ക്ഷണിക്കുകയാണ് കെഎസ്ആർടിസി ബജറ്റ് ടൂറിസം സെൽ. കെഎസ്ആർടിസിയുടെ നേതൃത്വത്തില്‍ ഉല്ലാസയാത്രകൾ തുടങ്ങിയിട്ട് രണ്ടു വർഷമായി. അറിയപ്പെടാത്തതും ചെറുതും, വലുതുമായ നിരവധി വിനോദ സഞ്ചാര കേന്ദ്രങ്ങളിലേക്ക് കെഎസ്ആർടിസി ഇന്ന് ഉല്ലാസ യാത്രകൾ സംഘടിപ്പിക്കുന്നുണ്ട്.

വൈക്കത്ത് ക്ഷേത്ര എഴുന്നള്ളിപ്പിനിടെ ആന പാപ്പാനെ ചവിട്ടിക്കൊന്നു

വന്യതയുടെയും, കോടമഞ്ഞിന്‍റെയും കാറ്റിന്‍റെയും കുന്നുകളുടെയും താഴ്‌വാരങ്ങളുടെയും ഇടങ്ങളിലേക്ക് ആനവണ്ടി നമ്മെ കൂട്ടിക്കൊണ്ട് പോകുന്നു. വരുമാനത്തിനപ്പുറം സാധാരണക്കാർക്കും കുറഞ്ഞ ചെലവിൽ യാത്രാനുഭവം ലഭ്യമാക്കുകയാണ് 'ആനവണ്ടി'. ഒറ്റയ്ക്കും കൂട്ടായുമെല്ലാം കെഎസ്ആര്‍ടിസിയുടെ ഉല്ലാസയാത്രയുടെ ഭാഗമാകാം.

ഈ വേനലവധിക്കാലം ആഘോഷിക്കുവാൻ വ്യത്യസ്ത ടൂർ പാക്കേജുകളാണ് പത്തനംതിട്ട ജില്ലയിലെ ഡിപ്പോകളിൽ നിന്നും കെഎസ്ആർടിസി തയ്യാറാക്കിയിരിക്കുന്നത്. ഏറ്റവും ചെലവ് കുറഞ്ഞ രീതിയിൽ താമസ സൗകര്യങ്ങൾ ഉൾപ്പെടുത്തി ഒരു ദിവസ പാക്കേജ് മുതൽ നാലു നാൾ നീണ്ടു നിൽക്കുന്ന ട്രിപ്പുകൾ വരെ ഈ യാത്രയിലുണ്ട്.

മിക്കവാറും അതിരാവിലെ ബസുകളിൽ ആരംഭിക്കുന്ന യാത്രകൾ രാത്രിയോടെയാണ് തിരികെയെത്തുന്നത്. ഭക്ഷണ ചാർജ്ജ് ഉൾപ്പെടുത്തിയും, അല്ലാതെയും ഏറ്റവും കുറഞ്ഞ ജനകീയമായ നിരക്കുകളാണ് കെഎസ്ആർടിസി യുടെ ബജറ്റ് യാത്രകൾക്കുള്ളത്. ഒറ്റക്കും, കുടുംബമായും, സംഘം ചേർന്നും യാത്രകളിൽ പങ്കാളിയാകാം.

ഏറ്റവും ജനപ്രിയ കേന്ദ്രങ്ങളായ ഗവി, മാമലകണ്ടം മാങ്കുളം ആനക്കുളം വഴിയുള്ള കാനന യാത്ര, പൊന്മുടി, തെന്മല, മലക്കപ്പാറ, ചതുരംഗപ്പാറ, മറയൂർ, കാന്തല്ലൂർ, മൂന്നാർ, വയനാട്, രാമക്കൽമേട് വണ്ടർലാ, നെല്ലിയാമ്പതി തുടങ്ങിയ കേന്ദ്രങ്ങളിലേക്കും, ആഡംബര കപ്പലിൽ അറബികടലിലൂടെ അസ്തമയ സൂര്യനെ കണ്ടു വിവിധങ്ങളായ കലാപരിപാടികളുമായി അഞ്ചു മണിക്കൂർ അടിപൊളി യാത്രയും, സാഗരറാണി, കൊച്ചി കായലിലൂടെയുള്ള യാത്രകളും, കേരളത്തിലെയും പുറത്തെയും വിവിധ തീർഥാടനകേന്ദ്രങ്ങളെ കോർത്തിണക്കി തീർഥാടന യാത്രകളുമെല്ലാം ഈ മാസം കെഎസ്ആർടിസി നടത്തുന്നുണ്ട്.
കൂടുതൽ നാമനിർദേശ പത്രികകൾ ഏത് ജില്ലയിൽ, കുറവ് എവിടെ? പത്രിക സമർപ്പിക്കാൻ ഒരുനാൾ കൂടി
ഈ മാസം വിവിധ ഡിപ്പോകളിൽ നിന്ന് നടത്തുന്ന ട്രിപ്പുകൾ

പത്തനംതിട്ട

• 07/04: വാഗമൺ
• 10/04: റോസ്മല
• 13/04: ചതുരംഗപാറ
• 19/04: മൂന്നാർ
• 21/04: കാൽവരി മൗണ്ട്
• 27/04: കടൽ യാത്ര
• 28/04: രാമക്കൽമേട്
• ഗവി : ഏപ്രിൽ 08,11,14,19,23,29

തിരുവല്ല

• ഏപ്രിൽ 6: മൂന്നാർ
• 06/04: വാഗമൺ
• 07/04: പൊന്മുടി
• 10/04:വണ്ടർലാ
• 13/04:ചതുരംഗപ്പാറ
• 14/04: കൊച്ചികായലിലൂടെ യാത്ര
• 20/04: മാമലകണ്ടം ജംഗിൾ സഫാരി
• 20/04: വയനാട്
• 21/04: ആഴിമല തീർത്ഥടനം
• 28/04: മലക്കപ്പാറ
• ഗവി : ഏപ്രിൽ 17,20,27

അടൂർ

• 10/04: വാഗമൺ
• 13/04: കടൽയാത്ര (ക്രൂയ്‌സ് )
• 20/04: ആഴിമല തീർത്ഥടനം
• 21/04: ഇലവീഴാം പൂഞ്ചിറ
• 28/04: മൂന്നാർ
• ഗവി :09/04,15/04, 21/04

പന്തളം

• 12/04: മൂന്നാർ
• 21/04:സാഗരാറാണി ക്രൂയ്‌സ്
• 28/04:വാഗമൺ
• ഗവി 11/04,30/04
• റാന്നി
• 13/04: മലക്കപ്പാറ
• 19/04: മാമലകണ്ടം -മൂന്നാർ
• 27/04 : കൊച്ചി കായലിലൂടെ ക്രൂയ്‌സ് യാത്ര

കോ ഓർഡിനേറ്റർ: 9744348037