തിരുവനന്തപുരം: പിസി ജോര്ജ് തനിക്കെതിരെ ഉന്നയിച്ച ആരോപണങ്ങളില് പ്രതികരണവുമായി പത്തനംതിട്ടയിലെ എല്ഡിഎഫ് സ്ഥാനാര്ത്ഥി വീണാ ജോര്ജ് രംഗത്ത്. ശബരിമല യുവതീ പ്രവേശനവുമായി ബന്ധപ്പെട്ട പ്രക്ഷോഭങ്ങള് നടക്കുന്ന വേളയില് രഹ്നാ ഫാത്തിമയെ ഒളിച്ച് താമസിപ്പിച്ചത് വീണാ ജോര്ജിന്റെ വീട്ടിലാണെന്നായിരുന്നു പിസി ജോര്ജിന്റെ ആരോപണം. എന്നാല് ഇത്തരം ആരോപണങ്ങള് പ്രതികരണം പോലും അര്ഹിക്കുന്നില്ലെന്ന് വീണാ ജോര്ജ് വ്യക്തമാക്കി. അതേസമയം ഇതിന്റെയെല്ലാം ശാപം തലമുറകളോളം പിസി ജോര്ജിനെ പിന്തുടരുമെന്ന് വീണാ ജോര്ജ് പറഞ്ഞു. നിരപരാധികളായ ആളുകള്ക്കെതിരെ ഇത്തരത്തില് ആരോപണങ്ങളും അപവാദ പ്രചരണവും നടത്തിയാല് ശാപം കിട്ടുമെന്നത് ഉറപ്പാണ്. തലമുറകളോളം ആ ശാപം വിട്ടുമാറില്ല. പിസി ജോര്ജിന്റെ കുടുംബാംഗങ്ങള് ഇക്കാര്യങ്ങളെല്ലാം അദ്ദേഹത്തെ പറഞ്ഞ് മനസിലാക്കി കൊടുക്കണമെന്നും വീണാ ജോര്ജ് ആവശ്യപ്പെട്ടു.
നിരവധി ആരോപണങ്ങളും പരിഹാസവുമാണ് പത്തനംതിട്ടയിലെ ഇടത് സ്ഥാനാര്ത്ഥിയായ വീണാ ജോര്ജിനെതിരെ കഴിഞ്ഞ ദിവസം പിസി ജോര്ജ് ഉന്നയിച്ചത്. ഇതില് ശബരിമല കയറാനെത്തിയ രഹ്നാ ഫാത്തിമയെ ഒളിച്ചുതാമസിപ്പിച്ചത് വീണാ ജോര്ജിന്റെ വീട്ടിലാണെന്ന ഗുരുതര ആരോപണമാണ് വീണയെ ചൊടിപ്പിച്ചത്.
ഇതോടൊപ്പം, വീഴാത്ത ജോര്ജ് ഇവിടെയുള്ളപ്പോള് വീണ ജോര്ജ് എന്തിനാണെന്നും പിസി പരിഹസിച്ചിരുന്നു. പത്തനംതിട്ടയില് കേരള ജനപക്ഷം പാര്ട്ടി നേതാവായ പിസി ജോര്ജ് മത്സരിക്കുമെന്ന തരത്തിലുള്ള വാര്ത്തകള് നേരത്തേ പുറത്ത് വന്നിരുന്നു. ഇതിന് പിന്നാലെയാണ് പത്തനംതിട്ടയിലെ എല്ഡിഎഫ് സ്ഥാനാര്ത്ഥിക്കെതിരെ ആരോപണങ്ങളുമായി ജോര്ജ് രംഗത്തെത്തിയത്.
നിരവധി ആരോപണങ്ങളും പരിഹാസവുമാണ് പത്തനംതിട്ടയിലെ ഇടത് സ്ഥാനാര്ത്ഥിയായ വീണാ ജോര്ജിനെതിരെ കഴിഞ്ഞ ദിവസം പിസി ജോര്ജ് ഉന്നയിച്ചത്. ഇതില് ശബരിമല കയറാനെത്തിയ രഹ്നാ ഫാത്തിമയെ ഒളിച്ചുതാമസിപ്പിച്ചത് വീണാ ജോര്ജിന്റെ വീട്ടിലാണെന്ന ഗുരുതര ആരോപണമാണ് വീണയെ ചൊടിപ്പിച്ചത്.
ഇതോടൊപ്പം, വീഴാത്ത ജോര്ജ് ഇവിടെയുള്ളപ്പോള് വീണ ജോര്ജ് എന്തിനാണെന്നും പിസി പരിഹസിച്ചിരുന്നു. പത്തനംതിട്ടയില് കേരള ജനപക്ഷം പാര്ട്ടി നേതാവായ പിസി ജോര്ജ് മത്സരിക്കുമെന്ന തരത്തിലുള്ള വാര്ത്തകള് നേരത്തേ പുറത്ത് വന്നിരുന്നു. ഇതിന് പിന്നാലെയാണ് പത്തനംതിട്ടയിലെ എല്ഡിഎഫ് സ്ഥാനാര്ത്ഥിക്കെതിരെ ആരോപണങ്ങളുമായി ജോര്ജ് രംഗത്തെത്തിയത്.