നന്ദി പത്തനംതിട്ടയെന്ന് നൂഹ്; ഒരിക്കലും മറക്കില്ല, 'മിസ് യു ബ്രോ'യെന്ന് നാട്ടുകാർ

കൊച്ചി: "സാർ പത്തനംതിട്ടയിൽ നിന്ന് വേറേ ഏതോ സ്ഥലത്ത് പോകുന്നു എന്നറിഞ്ഞപോൾ ഗൾഫിൽ ഇരുന്ന എന്റെ കണ്ണു നിറഞ്ഞു പോയി. ഞങ്ങളുടെ കുടുംബത്തിലെ ഒരാൾ നാട് വിട്ടു പോകുമ്പോൾ ഉണ്ടാകുന്ന സങ്കടം. പറയാൻ വാക്കുകൾ ഇല്ല, എവിടെ ആയാലും സാർ ഞങ്ങളുടെ മനസ്സിൽ ഉണ്ടാവും." പിബി നൂഹ് എന്ന ജനപ്രിയ ജില്ലാ കളക്ടർ പത്തനംതിട്ടയിൽ നിന്നും പടിയിറങ്ങുമ്പോൾ ഓർമകൾ പങ്കിട്ടും കണ്ണീരൊഴുക്കിയും ആളുകൾ ആശംസ നേരുകയാണ്. പത്തനംതിട്ടക്കാർക്ക് നന്ദിയറിയിച്ച് അദ്ദേഹം പങ്കുവെച്ച പോസ്റ്റിനു താഴെയാണ് ആളുകൾ വികാരഭരിതമായ കമന്റുകൾ പങ്കുവെച്ചിരിക്കുന്നത്.

നിലവിൽ രാജ്യത്തെ 40% കൊവിഡും കേരളത്തിൽ; ആരോഗ്യ മന്ത്രിക്ക് താൽപ്പര്യം മാഗസിനുകളുടെ കവർ പേജ് ആകാനെന്ന് വി മുരളീധരൻ
2018 ജൂൺ മൂന്നിന് പത്തനംതിട്ട ജില്ലാ കളക്ടറായി സ്ഥാനമേറ്റ പിബി നൂഹ് പടിയിറങ്ങുമ്പോൾ സഹകരണ രജിസ്ട്രാരായാണ് പുതിയ നിയമനം. "മുൻപിൽ വന്ന പ്രതിസന്ധികളെ ചെറു പുഞ്ചിരിയോടെ നേരിട്ടത്തിന്. പ്രളയകാലവും, കൊവിഡും, എല്ലാം രാജ്യത്തിന് തന്നെ മാതൃകയാകുന്ന രീതിയിൽ കൈകാര്യം ചെയ്ത് കാട്ടികൊടുത്തതിന്. പത്തനംതിട്ടയുടെ മനസ്സറിഞ്ഞു പ്രവർത്തിച്ചതിന് നന്ദി." എന്നാണ് ഒരാളുടെ കമന്റ്.

നാല് മാസം നന്നായി ഭരിച്ചാൽ പിണറായി ഭരണം തുടരും; എൻഡിഎ സ്ഥാനാർത്ഥിയാകുമെന്ന് ജേക്കബ് തോമസ്
ആയിരക്കണക്കിന് ആളുകളാണ് പിബി നൂഹിന്റെ വിടപറയൽ പോസ്റ്റിൽ അഭിപ്രായം പങ്കുവെച്ചിരിക്കുന്നത്. "ആരാണ് ജില്ലയുടെ കളക്ടർ എന്ന് ഒരിക്കൽ പോലും ഓർക്കാത്തവർ പോലും കുടുംബത്തിലെ ഒരു അംഗത്തെ പോലെ പിബി നൂഹ് എന്ന പേര് ഓർമിച്ചിട്ടുണ്ടെങ്കിൽ അത് താങ്കളുടെ പ്രവർത്തങ്ങളുടെ ഫലം മാത്രമാണ്. ഇന്ന് അങ്ങ് ഞങ്ങളുടെ ജില്ല വിട്ടു പോകുമ്പോൾ ഹൃദയത്തിൽ ഒരു വേദന പടരുന്നത് പോലും അങ്ങയോടുള്ള അകമഴിഞ്ഞ സ്നേഹം മൂലമാണ്. ജില്ലാ കളക്ടർ ആരായിരിക്കണം എന്ന് ഓരോ പത്തനംതിട്ടക്കാരനും ഇനി താരതമ്യപ്പെടുത്തുന്നത് അങ്ങയെ വെച്ച് മാത്രമായിരിക്കും." ഷഹനാ ഷാജഹാൻ എന്നയാൾ കമന്റ് ചെയ്തു.