എംസി ജോസഫൈന്റെ മനോനില പരിശോധിക്കണം: പിസി ജോർജ്ജ്

കൊച്ചി: വനിതാ കമ്മീഷൻ അധ്യക്ഷ എംസി ജോസഫൈന്റെ മനോനില പരിശോധിക്കണമെന്ന് പൂഞ്ഞാർ എംഎൽഎ പിസി ജോർജ്ജ്. സർക്കാർ ഇടപെട്ട് അവരുടെ മാനസിക നില പരിശോധിക്കണമെന്നും വനിതാ കമ്മീഷന്റെ പ്രവർത്തനം നിർത്തിവെക്കണമെന്നും പിസി ജോർജ്ജ് ആവശ്യപ്പെട്ടു.

വനിതാ കമ്മീഷന് പരാതി നൽകിയ പത്തനംതിട്ട റാന്നി കോട്ടാങ്ങൽ സ്വദേശിയായ 89 കാരിക്കെതിരെ ജോസഫൈൻ നടത്തിയ പരാമർശമാണ് പിസി ജോർജ്ജിനെ ചൊടിപ്പിച്ചത്.

പരാതി നൽകിയ വൃദ്ധയായ ലക്ഷ്മിക്കുട്ടിയമ്മയോട് നേരിട്ട് ഹാജരാകാൻ നിർബന്ധിച്ചതായാണ് ബന്ധുവിന്റെ പരാതി. ജോസഫൈനും ബന്ധുവും തമ്മിലുള്ള ഫോൺ സംഭാഷണം പുറത്തുവന്നിരുന്നു. അധിക്ഷേപകരമായി സംസാരിക്കുന്ന ജോസഫൈനെതിരെ വ്യാപക വിമർശനമാണ് ഉയർന്നത്.