എങ്ങനെ വെടിവയ്ക്കാം? പിസി ജോ‍ര്‍ജ് പറഞ്ഞുതരും

കോട്ടയം: തോക്ക് എങ്ങനെ ഉപയോഗിക്കണം എന്ന് നാട്ടുകാര്‍ക്ക് ക്ലാസെടുത്ത് പൂഞ്ഞാര്‍ എംഎല്‍എ പിസി ജോര്‍ജ്. തോക്ക് ഉപയോഗിക്കുന്നവര്‍ക്കും വാങ്ങാന്‍ ആഗ്രഹിക്കുന്നവര്‍ക്കുമായി കോട്ടയം ജില്ലാ പോലീസ് നടത്തിയ ബോധവത്കരണ പരിപാടിയിലാണ് പിസി ജോര്‍ജ് തോക്ക് ഉപയോഗിക്കുന്നതില്‍ തനിക്കുള്ള പാടവം പുറത്തെടുത്തത്.

ചെക്കോസ്ലോവാക്യന്‍ നിര്‍മിത പിസ്‍റ്റലും ട്വല്‍വ് ബോര്‍ തോക്കുമായാണ് പിസി പരിപാടിയില്‍ പങ്കെടുക്കാനെത്തിയത്. പിന്നീട് എംഎല്‍എയുടെ ക്ലാസ്. തോക്ക് കുറേക്കാലമായി തന്‍റെ കൈവശമുണ്ടെങ്കിലും ഇതുവരെ ഉപയോഗിക്കേണ്ടിവന്നിട്ടില്ലെന്ന് ജോര്‍ജ് പറഞ്ഞു. സുരക്ഷക്കായാണ് തോക്ക് ഉപയോഗിക്കപ്പെടുന്നതെങ്കിലും ചെറിയ ഒരു അശ്രദ്ധ ഉണ്ടായാല്‍പ്പോലും വലിയ അപകടമുണ്ടാകുമെന്ന് അദ്ദേഹം ഓര്‍മിപ്പിച്ചു.

ഉപയോഗിക്കുന്നവരുടെ കോപം നിയന്ത്രിക്കാനായില്ലെങ്കിലും തോക്ക് വലിയ അപകടം വരുത്തിവെക്കും, ജോര്‍ജ് പറഞ്ഞു. പ്രത്യേകം തെരഞ്ഞെടുത്ത 1500 പേരാണ് പരിപാടിയില്‍ പങ്കെടുത്തത്.

PC George conducts gun training class

MLA PC George delivered a lecture on how to use a gun at a programme held by Kottayam district police.