സ​ഞ്ചാ​രി​ക​ളെ പ​രി​ഭ്രാ​ന്തി​യി​ലാ​ക്കി ആ​ല​പ്പു​ഴ ബീ​ച്ചി​ല്‍ ചു​ഴ​ലി​ക്കാ​റ്റ്

ആലപ്പുഴ: അവധി ദിവസം ആഘോഷിക്കാനെത്തിയ വിനോദസഞ്ചാരികളെ പരിഭ്രാന്തിയിലാഴ്ത്തി ആലപ്പുഴ ബീച്ചില്‍ ടൊര്‍ണാഡോ. ആകാശത്തുനിന്നും തൂണിന്‍റെ ആകൃതിയില്‍ ഇന്നലെയാണ് ചുഴലിക്കാറ്റ് രൂപം കൊണ്ടത്. അതിവേഗതയില്‍ ആഞ്ഞടിച്ച കാറ്റില്‍പ്പെട്ട പലരും നിലത്തുവീണു.

കണ്ണിലും ചെവിയിലുമെല്ലാം മണല്‍ത്തരികള്‍ കയറിയതോടെ പലര്‍ക്കും ശ്വാസതടസവുമുണ്ടായി. ഇന്നലെ വൈകുന്നേരം 4.30 ഓടെയായിരുന്നു സംഭവം. ചുഴലിക്കാറ്റ് നിമിഷ നേരം കൊണ്ട് കടലില്‍ നിന്നും കരയിലേക്ക് ആഞ്ഞടിച്ചപ്പോള്‍ ബീച്ചിലെത്തിയിരുന്ന വിനോദസഞ്ചാരികള്‍ പരിഭ്രാന്തരായി ചിതറിയോടി. ഏകദേശം 20 മിനിട്ടോളം ചുഴലിക്കാറ്റ് നീണ്ടുനിന്നു.