പെട്രോളിനും ഡീസലിനും നികുതി കുറയ്ക്കാനാവില്ല: സർക്കാർ

തിരുവനന്തപുരം: ദിവസേന ഇന്ധനവില കുതിക്കുന്നതിനിടെ നികുതി കുറയ്ക്കാൻ സാധിക്കില്ലെന്ന് സര്‍ക്കാര്‍. ധനമന്ത്രി തോമസ് ഐസക് നിയമസഭയില്‍ അറിയിച്ചതാണ് ഇക്കാര്യം. പെട്രോളിനും ഡീസലിനും നികുതി കുറച്ചാല്‍ സംസ്ഥാനത്തിന്‍റെ വരുമാനത്തെ അത് സാരമായി ബാധിക്കുമെന്നും ധനമന്ത്രി വ്യക്തമാക്കി.

സംസ്ഥാന ബജറ്റ് അവതരണത്തിനു മുന്‍പും മന്ത്രി ഇക്കാര്യം വ്യക്തമാക്കിയിരുന്നു. ഇന്ധന വില വര്‍ധനവിന് പ്രധാന കാരണക്കാര്‍ കേന്ദ്ര സര്‍ക്കാരാണെന്നും അതിനാല്‍ വിലകുറയ്ക്കുന്നതു സംബന്ധിച്ചുള്ള തീരുമാനം കേന്ദ്രം തന്നെ എടുക്കണമെന്നുമായിരുന്നു ഐസക്കിന്‍റെ ആവശ്യം.