സംസ്ഥാനത്ത് പെട്രോള് പമ്പ് സമരമാരംഭിച്ചു
ദിവസേന ഇന്ധനവില പുതുക്കുന്നത് മൂലം പമ്പുടമകൾക്ക് വൻ നഷ്ടമാണ് നേരിട്ടതെന്ന് ചൂണ്ടികാട്ടി പെട്രോൾ ഡീലേഴ്സ് കോർഡിനേഷൻ കമ്മിറ്റിയാണ് സമരത്തിന് ആഹ്വാനം ചെയ്തിരിക്കുന്നത്.
TNN 11 Jul 2017, 11:22 am
സംസ്ഥാനത്ത് പെട്രോൾ പമ്പ് സമരമാരംഭിച്ചു. തിങ്കളാഴ്ച അർദ്ധരാത്രിയാണ് സമരത്തിന് തുടക്കം കുറിച്ചത്. 24 മണിക്കൂർ പമ്പുകൾ അടച്ചിട്ടുള്ള സമരത്തിനായിരുന്നു ആഹ്വാനം ചെയ്തിരുന്നത്. എന്നാൽ ബുധനാഴ്ച പമ്പുകൾ തുറക്കുമെങ്കിലും വ്യാഴാഴ്ച വരെ ഇന്ധനക്ഷാമം നേരിടുമെന്നാണ് റിപ്പോർട്ട്. ദിവസേന ഇന്ധനവില പുതുക്കുന്നത് മൂലം പമ്പുടമകൾക്ക് വൻ നഷ്ടമാണ് നേരിട്ടതെന്ന് ചൂണ്ടികാട്ടി പെട്രോൾ ഡീലേഴ്സ് കോർഡിനേഷൻ കമ്മിറ്റിയാണ് സമരത്തിന് ആഹ്വാനം ചെയ്തിരിക്കുന്നത്.
ദിവസേനയുള്ള ഇന്ധനവില പുതുക്കൽ മൂലം മാസത്തിൽ 40,000 മുതൽ 60,000 രൂപ വരെ നഷ്ടമാണ് പമ്പുടമകൾക്കുണ്ടാകുന്നത് . ഇതിനൊരു പരിഹാരം കാണാമെന്നുള്ള കേന്ദ്രസർക്കാറിന്റെ വാഗ്ദാനവും ഇതുവരെ പാലിക്കപ്പെട്ടിട്ടില്ല. പമ്പുടമകൾക്കുള്ള കമ്മീഷൻ തുക വർദ്ധിപ്പിക്കണമെന്നുള്ള നിർദേശവും ഇവർ മുന്നോട്ട് വെച്ചിരുന്നു. ഇവയൊന്നും പാലിക്കാതായ സാഹചര്യത്തിലാണ് പെട്രോൾ പമ്പ് സമരത്തിന് തുടക്കം കുറിച്ചിരിക്കുന്നത്.
സമരത്തിന്റെ ഭാഗമായി ഞായറാഴ്ച തന്നെ പമ്പുകളിൽ സ്റ്റോക്ക് എടുക്കുന്നത് നിർത്തലാക്കിയിട്ടുണ്ട്. ചില പമ്പുകളിൽ നേരത്തെ തന്നെ നോ സ്റ്റോക്ക് ബോർഡുകളും സ്ഥാപിച്ചിട്ടുണ്ട്. സമരം കഴിഞ്ഞ് ബുധനാഴ്ചയോടെ സ്റ്റോക്ക് എടുക്കാനുള്ള തീരുമാനത്തിലാണ് പമ്പുടമകൾ. അതുകൊണ്ട് തന്നെ രണ്ടു മൂന്ന് ദിവസത്തേക്ക് സംസ്ഥാനത്ത് കനത്ത ഇന്ധന ക്ഷാമം നേരിട്ടേക്കാം.
Petrol stirke started in kerala
Petrol pump strike started in kerala from monday midnight
ദിവസേനയുള്ള ഇന്ധനവില പുതുക്കൽ മൂലം മാസത്തിൽ 40,000 മുതൽ 60,000 രൂപ വരെ നഷ്ടമാണ് പമ്പുടമകൾക്കുണ്ടാകുന്നത് . ഇതിനൊരു പരിഹാരം കാണാമെന്നുള്ള കേന്ദ്രസർക്കാറിന്റെ വാഗ്ദാനവും ഇതുവരെ പാലിക്കപ്പെട്ടിട്ടില്ല. പമ്പുടമകൾക്കുള്ള കമ്മീഷൻ തുക വർദ്ധിപ്പിക്കണമെന്നുള്ള നിർദേശവും ഇവർ മുന്നോട്ട് വെച്ചിരുന്നു. ഇവയൊന്നും പാലിക്കാതായ സാഹചര്യത്തിലാണ് പെട്രോൾ പമ്പ് സമരത്തിന് തുടക്കം കുറിച്ചിരിക്കുന്നത്.
സമരത്തിന്റെ ഭാഗമായി ഞായറാഴ്ച തന്നെ പമ്പുകളിൽ സ്റ്റോക്ക് എടുക്കുന്നത് നിർത്തലാക്കിയിട്ടുണ്ട്. ചില പമ്പുകളിൽ നേരത്തെ തന്നെ നോ സ്റ്റോക്ക് ബോർഡുകളും സ്ഥാപിച്ചിട്ടുണ്ട്. സമരം കഴിഞ്ഞ് ബുധനാഴ്ചയോടെ സ്റ്റോക്ക് എടുക്കാനുള്ള തീരുമാനത്തിലാണ് പമ്പുടമകൾ. അതുകൊണ്ട് തന്നെ രണ്ടു മൂന്ന് ദിവസത്തേക്ക് സംസ്ഥാനത്ത് കനത്ത ഇന്ധന ക്ഷാമം നേരിട്ടേക്കാം.
Petrol stirke started in kerala
Petrol pump strike started in kerala from monday midnight