ജേക്കബ് തോമസിന് എതിരെ ഹര്‍ജി

കൊച്ചി: സംസ്ഥാന വിജിലന്‍സ് ഡയറക്ടര്‍ ജേക്കബ് തോമസിന് എതിരെ അന്വേഷണം ആവശ്യപ്പെട്ട് ഹര്‍ജി. മൂവാറ്റുപുഴ വിജിലന്‍സ് കോടതിയില്‍ ആണ് ഹര്‍ജി സമര്‍പ്പിച്ചതെന്ന് മാധ്യമങ്ങള്‍ റിപ്പോര്‍ട്ട് ചെയ്‍തു.

തുറമുഖ ഡയറക്ടര്‍ ആയിരിക്കെ വിവിധ ഓഫീസുകളില്‍ സോളാര്‍ പാനല്‍ സ്ഥാപിച്ച നടപടി അഴിമതിയാണെന്നാണ് ഹര്‍ജിയില്‍ ആരോപിച്ചിരിക്കുന്നത്. സംസ്ഥാന ഖജനാവിന് 52 ലക്ഷം രൂപ നഷ്ടം വരുത്തിയ നടപടിയാണിതെന്ന് പബ്ലിക് എക്സപെന്‍ഡിച്ചര്‍ ആന്‍റ് റിവ്യൂ കമ്മിറ്റി കണ്ടെത്തിയിരുന്നു.

അവധിയെടുത്ത് അധ്യാപനത്തിന് പോയ സംഭവത്തിലും അന്വേഷണം വേണമെന്ന് ഹര്‍ജിയില്‍ ആവശ്യപ്പെടുന്നു. ഹര്‍ജിയില്‍ ജനുവരി 19ന് കോടതി വാദം കേള്‍ക്കും.

PIL against VACB chief Jacob Thomas

A PIL filed in the Muvatupuzha Vigilance court has demanded an enquiry into the alleged wrong doings of Vigilance director Jacob Thomas when he was served as the director of ports.