പിഴയ‍ടയ്ക്കാനുള്ള തുക പിണറായി നല്‍കണം: ചെന്നിത്തല

തിരുവനന്തപുരം: ടിപി സെന്‍കുമാര്‍ കേസില്‍ സുപ്രീം കോടതിയില്‍ പിഴയടയ്ക്കാനുള്ള തുക മുഖ്യമന്ത്രി പിണറായി വിജയന്‍ സ്വന്തം പോക്കറ്റില്‍നിന്ന് നല്‍കണമെന്ന് പ്രതിപക്ഷ നേതാവ് രമേശ് ചെന്നിത്തല. പിഴയടയ്ക്കാനല്ല സംഭാവന നല്‍കാനാണ് കോടതി പറഞ്ഞതെങ്കില്‍ അത് പിണറായിയുടെ സ്വന്തം പോക്കറ്റില്‍നിന്നാണ് നല്‍കേണ്ടതെന്ന് ചെന്നിത്തല പറഞ്ഞു.

ജനങ്ങളുടെ പണം കോടതിയില്‍ കെട്ടിവെക്കാന്‍ അനുവദിക്കില്ല. വീണിടത്ത് കിടന്ന് ഉരുളുന്ന സമീപനമാണ് സര്‍ക്കാരിന്‍റെത്. അപമാനഭാരംകൊണ്ട് ഓരോരുത്തരുടെയും തല താഴ്ന്നുപോകുന്ന സംഭവമാണ് ഉണ്ടായതെന്നും ചെന്നിത്തല നിയമസഭയില്‍ പറഞ്ഞു.

സര്‍ക്കാര്‍ മാപ്പപേക്ഷ നല്‍കിയെന്ന് അഭിഭാഷകര്‍ കോടതിയില്‍ പറഞ്ഞത് വായിച്ചുകൊണ്ടാണ് ചെന്നിത്തല വാദിച്ചത്. സര്‍ക്കാരിന് തിരിച്ചടി നേരിട്ടില്ല എന്ന് മുഖ്യമന്ത്രി വാദിക്കുമ്പോളാണ് ചീഫ് സെക്രട്ടറി മാപ്പപേക്ഷിച്ചത്. സര്‍ക്കാരിന്‍റെ മുഖത്തേറ്റ തിരിച്ചടിയാണ് കോടതി വിധി എന്നും ചെന്നിത്തല പറഞ്ഞു.

Pinarayi must pay fine out of his pocket

Opposition leader Ramesh Chennithala said that Chief Minister Pinarayi Vijayan must pay fine at the Supreme Court out of his own pocket.