ജനനേന്ദ്രിയം മുറിച്ച സംഭവം; പെണ്‍കുട്ടിയെ പിന്തുണച്ച് മുഖ്യമന്ത്രി

തിരുവനന്തപുരം: ലൈംഗിക ചൂഷണം ചെറുക്കാന്‍ സന്യാസിയുടെ ജനനേന്ദ്രിയം മുറിച്ച പെണ്‍കുട്ടിക്ക് പിന്തുണ പ്രഖ്യാപിച്ച് മുഖ്യമന്ത്രി പിണറായി വിജയന്‍.

പെണ്‍കുട്ടിയുടെത് ധീരമായ നടപടിയാണെന്ന് മുഖ്യമന്ത്രി മാധ്യമങ്ങളോട് പറഞ്ഞു.

'ശക്തമായ നടപടിയാണ് എടുത്തിരിക്കുന്നത്. ഇതിന് പിന്തുണ കൊടുക്കുകയല്ലാതെ വേറൊന്നും ചെയ്യേണ്ടതില്ലല്ലോ' പിണറായി മാധ്യമങ്ങളുടെ ചോദ്യത്തിന് മറുപടിയായി പറഞ്ഞു.

വീട്ടില്‍ പൂജയ്ക്ക് എത്തിയ ശ്രീഹരി എന്ന സന്യാസിയുടെ ജനനേന്ദ്രിയമാണ് പെണ്‍കുട്ടി അറുത്തത്. പെണ്‍കുട്ടിയുടെ അമ്മയുടെ അറിവോടെ വര്‍ഷങ്ങളായി ഇയാള്‍ പെണ്‍കുട്ടിയെ ലൈംഗികമായി ചൂഷണം ചെയ്യുകയായിരുന്നു എന്നാണ് പോലീസ് പറയുന്നത്.

ഗുരുതരമല്ലാത്ത പരിക്കുകളാണ് സന്യാസിക്കുള്ളത്. തിരുവനന്തപുരം മെഡിക്കല്‍ കോളേജിലാണ് ഇയാളെ പ്രവേശിപ്പിച്ചിരിക്കുന്നത്. താന്‍ സ്വയം ജനനേന്ദ്രിയം മുറിക്കുകയായിരുന്നു എന്നാണ് സന്യാസി മൊഴി നല്‍കിയിട്ടുള്ളത്.

Pinarayi Vijayan lauds girl who hacked rapists genital

Kerala Chief Minister Pinarayi Vijayan lauded the Thiruvananthpuram girl, who hacked her rapist's- a Hindu God man- genital.