ഗുണ്ടാശല്യം തടയാന്‍ പ്രത്യേക പോലീസ് സംഘം: മുഖ്യമന്ത്രി

തിരുവനന്തപുരം: സംസ്ഥാനത്തെ ഗുണ്ടാ ശല്യം തടയാന്‍ പ്രത്യേക പോലീസ് സംഘത്തെ നിയോഗിക്കാന്‍ തയാറാണെന്ന് മുഖ്യമന്ത്രി പിണറായി വിജയന്‍.

കേരളത്തിന്‍റെ വിവിധ ഭാഗങ്ങളില്‍ ഗുണ്ടാ ആക്രമണം ഒരു പ്രശ്‍നമായി മാറിക്കൊണ്ടിരിക്കുകയാണ്. നിരവധി ആളുകള്‍ ഇതിനോടകം ഗുണ്ടാ ആക്രമണങ്ങള്‍ക്ക് ഇരയായിട്ടുണ്ട്. നിരവധി പരാതികളും ഗുണ്ടാ ആക്രമണങ്ങളുമായി ബന്ധപ്പെട്ട് ലഭിച്ചിട്ടുണ്ട്. ഈ അവസരത്തിലാണ് സര്‍ക്കാര്‍ ഇത്തരം സംഘങ്ങള്‍ക്കെതിരെ കര്‍ശന നടപടികള്‍ക്ക് തുനിയുന്നതെന്ന് മുഖ്യമന്ത്രി പറഞ്ഞു.

ഗുണ്ടകള്‍ക്ക് രാഷ്ട്രീയ സംരക്ഷണം നല്‍കുന്നത് അനുവദിക്കില്ലെന്നും പിണറായി വിജയന്‍ പറഞ്ഞു. മധ്യമേഖല ഐജിക്ക് ഗുണ്ടാ സംഘങ്ങളുമായി ബന്ധമുണ്ടെന്ന് പ്രതിപക്ഷം ആരോപിച്ചു. അദ്ദേഹത്തെ ഉടന്‍ ഐജി സ്ഥാനത്ത് നിന്ന് മാറ്റണമെന്നും കോണ്‍ഗ്രസ് എംഎല്‍എ പി.ടി തോമസ് ആവശ്യപ്പെട്ടു.

CM promises to curb Goonda menace

Chief Minister Pinarayi Vijayan said the government is ready to constitute a special Police team to curb the Goonda menace in the state.