സംസ്ഥാനത്ത് ഭരണസ്തംഭനമില്ലെന്ന് പിണറായി വിജയന്‍

തിരുവനന്തപുരം: സംസ്ഥാനത്ത് ഭരണസ്തംഭനമില്ലെന്ന് മുഖ്യമന്ത്രി പിണറായി വിജയന്‍. ചില കാര്യങ്ങളില്‍ മാത്രമേ അഭിപ്രായവ്യത്യാസമുള്ളൂവെന്നും എന്നാല്‍ സര്‍ക്കാര്‍ നയങ്ങള്‍കൊണ്ട് അതുമാറിയെന്നും മുഖ്യമന്ത്രി പറഞ്ഞു.

സംസ്ഥാനത്ത് ഫയല്‍ നീക്കം വേഗത്തിലായിയിട്ടുണ്ട്. ഒമ്പത് മാസത്തിനിടെ 18000 ഫയലുകള്‍ സെക്രട്ടറിയേറ്റിലെത്തി അതില്‍ തീര്‍പ്പാക്കാനുള്ളത് 200 ഫയലുകള്‍ മാത്രമാണെന്നും അദ്ദേഹം നിയമസഭയിൽ പറഞ്ഞു.

ഉന്നത ഉദ്യോഗസ്ഥര്‍ക്കിടയില്‍ ഗൗരവ അഭിപ്രായ ഭിന്നതയില്ല. ഉദ്യോഗസ്ഥര്‍ക്ക് അവരുടേതായ പ്രവര്‍ത്തന സ്വാതന്ത്രം നല്‍കുമെന്നും നല്ല രീതിയില്‍ പ്രവര്‍ത്തിക്കുന്ന ഉദ്യോഗസ്ഥരെ പിന്തുണക്കുമെന്നും മുഖ്യമന്ത്രി പറഞ്ഞു.

എന്നാല്‍ സംസ്ഥാനത്ത് ഭരണസ്തംഭനമെന്നാരോപിച്ച്‌ പ്രതിപക്ഷത്ത് നിന്ന് വി ഡി സതീശന്‍ നല്‍കിയ അടിയന്തരപ്രമേയനോട്ടീസിനു അനുമതി നിഷേധിച്ചു.

Pinarayi Vijayan talks in Kerala Assembly.