പിറവം പള്ളിയിൽ നടന്നത് പോലീസ് നാടകം: ഓര്‍ത്തഡോക്സ് സഭ

കൊച്ചി: സുപ്രീംകോടതി വിധി നടപ്പാക്കാനെത്തിയ പോലീസ് പിറവം പള്ളിയില്‍ നടത്തിയത് നാടകമെന്ന് ഓര്‍ത്തഡോക്‌സ് സഭ. വിധി നടപ്പാക്കണമെങ്കില്‍ അത് നേരത്തെ ആകാമായിരുന്നെന്നും തോമസ് മാര്‍ അത്താനിയോസ് പത്രസമ്മേളനത്തിൽ പറഞ്ഞു. വിധി നടപ്പാക്കുവാന്‍ കഴിയില്ലയെന്ന് കേസ് കോടതിയില്‍ വരുമ്പോള്‍ പറയുന്നതിനായി മുൻകൂട്ടി തയ്യാറാക്കിയ നാടകമാണ് അരങ്ങേറിയതെന്ന് അദ്ദേഹം ആരോപിച്ചു.

ന്യൂനപക്ഷ വിഭാഗത്തിനുമാത്രമായി സുപ്രീംകോടതി തെറ്റായി വ്യാഖ്യാനിക്കുന്നതായി കാണിച്ച് ക്കോബായ സഭ ഹൈക്കോടതിയിൽ ഹര്‍ജി സമര്‍പ്പിച്ചിരിക്കുകയാണ്. ഹര്‍ജി ഹൈക്കോടതി നാളെ പരിഗണിക്കുന്നുണ്ട്. പള്ളിത്തര്‍ക്കത്തെ തുടര്‍ന്ന് പിറവത്ത് യാക്കോബായ വിശ്വാസികള്‍ ഇന്ന് ആത്മഹത്യാ ഭീഷണി മുഴക്കിയതോടെ സംഭവം ഏറെ ശ്രദ്ധ നേടിയിരിക്കുകയാണ്.