മാണി സി കാപ്പൻ യുഡിഎഫ് സ്ഥാനാർഥിയാകും; പാലായിൽ മത്സരിക്കുമെന്ന് പിജെ ജോസഫ്

കോട്ടയം: വരുന്ന നിയമസഭാ തെരഞ്ഞെടുപ്പിൽ മാണി സി കാപ്പൻ പാലായിൽ യുഡിഎഫ് സീറ്റിൽ മത്സരിക്കുമെന്ന് പിജെ ജോസഫ്. എൻസിപി സ്ഥാനാര്‍ഥിയായി തന്നെ മാണി സി കാപ്പൻ മത്സരിക്കുമെന്നും പി ജെ ജോസഫ് പറഞ്ഞു. കോട്ടയത്ത് മാധ്യമപ്രവര്‍ത്തകരോടു സംസാരിക്കുമ്പോഴായിരുന്നു പിജെ ജോസഫ് ഇക്കാര്യങ്ങള്‍ വ്യക്തമാക്കിയത്.

തദ്ദേശ തെരഞ്ഞെടുപ്പിലെ മികച്ച വിജയത്തിനു ശേഷം പാലാ യുഡിഎഫ് സീറ്റ് സംബന്ധിച്ച് ജോസ് കെ മാണി അവകാശവാദം ആവര്‍ത്തിച്ചിരുന്നു. പി ജെ ജോസഫ് വിഭാഗവുമായി തെറ്റിപ്പിരിഞ്ഞ ജോസ് കെ മാണി വിഭാഗം എൽഡിഎഫിൻ്റെ ഭാഗമായി നിന്നാണ് തദ്ദേശ തെരഞ്ഞെടുപ്പിൽ മത്സരിച്ചത്. എന്നാൽ കഴിഞ്ഞ നിയമസഭാ തെരഞ്ഞെടുപ്പിൽ എൽഡിഎഫിൻ്റെ ഭാഗമായിരുന്ന എൻസിപി മാണി സി കാപ്പനെ മത്സരിപ്പിച്ച് വിജയിച്ചിരുന്നു. ഇരുവിഭാഗങ്ങളും ഒരേ മുന്നണിയിലെത്തിയതോടെയാണ് പ്രശ്നം കടുത്തത്.

Also Read: കുടിയൊഴിപ്പിക്കാൻ തിടുക്കപ്പെട്ടെത്തിയ പോലീസുകാര്‍ മാതൃകയാക്കണം ഈ എസ്‍ഐയെ! ജപ്തിയോടെ വഴിയാധാരമായ കുടുംബത്തിനു വീടു വെച്ച് നൽകി ഒരു പോലീസുകാരൻ; അന്ന് കാഞ്ഞിരപ്പള്ളിയിൽ സംഭവിച്ചത്

സംസ്ഥാനത്ത് അടുത്ത നിയമസഭാ തെരഞ്ഞെടുപ്പിന് മാസങ്ങള്‍ മാത്രമാണ് ബാക്കി നിൽക്കുന്നത്. ജോസ് കെ മാണി ഗ്രൂപ്പിൻ്റെ പിന്തുണ മധ്യകേരളത്തിൽ പലയിടത്തും എൽഡിഎഫിന് ഗുണം ചെയ്തിരുന്നു. ഈ സാഹചര്യത്തിൽ പാലാ സീറ്റ് ജോസ് കെ മാണിയ്ക്ക് നല്‍കുണമെന്ന കേരള കോൺഗ്രസ് എമ്മിൻ്റെ ആവശ്യം എൽഡിഎഫ് അംഗീകരിച്ചേക്കുമെന്ന് റിപ്പോര്‍ട്ടുകളുണ്ട്. ഈ സാഹചര്യത്തിലാണ് പിജെ ജോസഫിൻ്റെ പ്രതികരണം. മാണി സി കാപ്പൻ യുഡിഎഫിലെത്തിയാൽ വേറെ ഉപാധികളൊന്നുമില്ലാതെ

തൊടുപുഴ നഗരസഭയിൽ അടക്കം എൽഡിഎഫിനായിരുന്നു ഇക്കുറി വിജയം. എന്നാൽ നഗരസഭ ഒരു വര്‍ഷത്തിനടകം തിരിച്ചു പിടിക്കുമെന്നും പി ജെ ജോസഫ് അവകാശപ്പെട്ടു. തൊടുപുഴയിൽ ഭരണം നഷ്ടപ്പെട്ടത് കേരള കോൺഗ്രസിൻ്റെ പ്രശ്നം മൂലമല്ലെന്നും മുസ്ലീം ലീഗ് കൗൺസിലര്‍മാര്‍ കാലുമാറിയതു കൊണ്ടാണെന്നും പി ജെ ജോസഫ് പറഞ്ഞു. ഇത് ലീഗിനുള്ളിലെ ആഭ്യന്തരപ്രശ്നമാണെന്നും ജോസഫ് കൂട്ടിച്ചേര്‍ത്തു.

Also Read: രാജന്റെ കുടുംബത്തിന് ഭൂമി നൽകില്ല; ഇതെന്റെ ഭൂമിയാണെന്ന് തെളിയിക്കണം: കേസിൽ നിന്നും പിന്മാറില്ല: അയൽവാസി

അതേസമയം, പാലാ സീറ്റ് സംബന്ധിച്ച് എൻസിപി നേതൃത്വം യുഡിഎഫുമായി ചര്‍ച്ച നടത്തിയിട്ടില്ലെന്നാണ് റിപ്പോര്‍ട്ടുകള്‍. പിജെ ജോസഫിൻ്റെ പ്രസ്താവനയോട് പ്രതികരിക്കാനില്ലെന്നും ജോസഫിനോട് സീറ്റ് ആവശ്യപ്പെട്ടിട്ടില്ലെന്നും എൻസിപി വ്യക്തമാക്കി.

പാലാ സീറ്റ് തിരിച്ചു കൊടുക്കാൻ കഴിയില്ലെന്ന് മുൻപ് മാണി സി കാപ്പൻ മാധ്യമങ്ങളോട് പ്രതികരിച്ചിരുന്നു. അടുത്ത നിയമസഭാ തെരഞ്ഞെടുപ്പിലും പാലാ സീറ്റിൽ തന്നെ മത്സരിക്കുമെന്നും പാര്‍ട്ടി വ്യക്തമാക്കിയിരുന്നു.