അയോഗ്യത: വിധി അന്തിമമല്ലെന്ന് പികെ കുഞ്ഞാലിക്കുട്ടി

കോഴിക്കോട്: കെഎം ഷാജിയെ അയോഗ്യനാക്കിക്കൊണ്ടുള്ള ഹൈക്കോടതി വിധി അന്തിമമല്ലെന്ന് മുസ്ലീം ലീഗ് അഖിലേന്ത്യാ ജനറല്‍ സെക്രട്ടറി പികെ കുഞ്ഞാലിക്കുട്ടി. ഹൈക്കോടതി വിധിയോടെ കേസില്‍ അന്തിമ തീരുമാനമായെന്ന് പറയാനാവില്ല. വിധിക്കെതിരെ സുപ്രീം കോടതിയെ സമീപിക്കുമെന്നും കുഞ്ഞാലിക്കുട്ടി വ്യക്തമാക്കി.

കെഎം ഷാജിയെ അയോഗ്യനാക്കേണ്ട സാഹചര്യം ഉണ്ടായിരുന്നില്ല. സംഭവത്തില്‍ യഥാര്‍ത്ഥ വസ്തുത കോടതിയെ ബോധ്യപ്പെടുത്തുന്നതില്‍ പരാജയപ്പെട്ടു. സ്ഥാനാര്‍ത്ഥിയുടെ പേരില്‍ മറ്റാരോ അച്ചടിച്ച് വിതരണം ചെയ്ത ലഘുലേഖയാണ് വാദിഭാഗം കോടതിയില്‍ ഹാജരാക്കിയിരിക്കുന്നത്. ഇക്കാര്യം ഹൈക്കോടതിയെ ബോധ്യപ്പെടുത്താനായില്ലെന്നും സുപ്രീം കോടതിയെ ഇത് ബോധ്യപ്പെടുത്തുമെന്നും കുഞ്ഞാലിക്കുട്ടി വ്യക്തമാക്കി.