അമിതവേഗത്തില്‍ പോയ ലോറി ഡ്രൈവറോട് ക്ഷോഭിച്ച് പി.കെ.ശശി; വൈറലായി വീഡിയോ

പാലക്കാട്: അമിതവേഗത്തില്‍ പോയ ടിപ്പര്‍ ലോറി ഡ്രൈവറോട് പി.കെ.ശശി എം.എല്‍.എ. ക്ഷോഭിക്കുന്ന വീഡിയോ സമൂഹമാധ്യമങ്ങളില്‍ വൈറലായി. ചെര്‍പ്പുളശ്ശേരിയിലെ മാങ്ങോടാണ് സംവഭവമുണ്ടായത്.

ഷൊര്‍ണൂര്‍ എം.എല്‍.എ. പി.കെ. ശശി ടിപ്പര്‍ ലോറി തടഞ്ഞുനിര്‍ത്തി ഡ്രൈവറോട് അടിച്ച് കണ്ണ് പൊട്ടിയ്ക്കും എന്ന് പറയുന്ന ദൃശ്യങ്ങളാണ് പ്രചരിക്കുന്നത്. അതിവേഗത്തില്‍ വന്ന ടിപ്പര്‍ എം.എല്‍.എയുടെ വാഹനത്തെ അപകടകരമായ രീതിയില്‍ മറികടന്നതാണ് പി.കെ.ശശിയെ ക്ഷുഭിതനാക്കിയത്.

വീഡിയോ സമൂഹ മാധ്യമങ്ങളില്‍ പ്രചരിച്ചതോടെ ടിപ്പര്‍ ലോറി ഡ്രൈവര്‍ ഇഖ്ബാല്‍ വിശദീകരണവുമായി രംഗത്തെത്തി. തെറ്റുപറ്റിയതിന് എം.എല്‍.എ. തന്നെ ഉപദേശിച്ചതെന്ന് പറയുന്ന ഇഖ്ബാലിന്‍റെ വീഡിയോയാണ് പുറത്തിറങ്ങിയത്.

അതേസമയം, സസ്‍പെന്‍ഷന്‍ കഴിഞ്ഞ് സി.പി.എം. ജില്ലാ കമ്മിറ്റിയില്‍ തിരിച്ചെത്തിയ പി.കെ. ശശി പഴയ ശൈലിയിലേക്ക് തിരിച്ചെത്തിയെന്നാണ് എതിരാളികളുടെ പ്രചരണം.