സ്റ്റാൻ സ്വാമി വിഷയത്തിൽ ഇടപെടാൻ പരിമിതിയുണ്ടെന്ന് മോദി; ബിജെപി തൊട്ടുകൂടാത്ത പാർട്ടിയല്ലെന്ന് കർദ്ദിനാൾമാർ

ന്യൂഡൽഹി: പ്രധാനമന്ത്രി നരേന്ദ്ര മോദിയുമായുള്ള കൂടിക്കാഴ്ച സൗഹാ‍ര്‍ദ്ദപരമായിരുന്നുവെന്ന് ക‍ര്‍ദ്ദിനാൾമാര്‍. പ്രശ്നങ്ങൾക്ക് പരിഹാരം ഉണ്ടാകുമെന്നാണ് പ്രതീക്ഷിക്കുന്നതെന്നും ക‍ര്‍ദ്ദിനാൾമാര്‍ വാര്‍ത്താ സമ്മേളനത്തിൽ പറഞ്ഞു. ബിജെപി തൊട്ടുകൂടാത്ത പാ‍ര്‍ട്ടിയല്ലെന്നും ഏതെങ്കിലും പാര്‍ട്ടിയെ തൊട്ടുകൂടാത്തതായി കണക്കാക്കിയാൽ അത് ക്രൈസ്തവ സഭയുടെ അടിസ്ഥാന പ്രമാണങ്ങളിൽ നിന്നും വ്യതിചലിക്കുന്നതിനു തുല്യമാണെന്നും അവ‍ര്‍ വ്യക്തമാക്കി.

സൗഹാര്‍ദ്ദപരമായി മുന്നോട്ടുപോകാൻ സഹായിക്കുന്ന ക്രിയാത്മക ചര്‍ച്ചകളാണ് നടന്നത്. കൊവിഡ് പ്രതിരോധനത്തിന്റെ ഭാഗമായി 152 കോടിയുടെ പ്രവര്‍ത്തനങ്ങൾ ക്രൈസ്തവ സഭ നടത്തിയതിൽ പ്രധാനമന്ത്രി സന്തോഷം പ്രകടിപ്പിച്ചു. കര്‍ദ്ദിനാൾമാരായ ഓസ്വാൾഡ് ഗ്രേഷ്യസ്, മാ‍ര്‍ ജോര്‍ജ്ജ് ആലഞ്ചേരി, ബസേലിയോസ് ക്ലിമീസ് കത്തോലിക്കാ ബാവ എന്നിവരാണ് പ്രധാനമന്ത്രിയുമായി കൂടിക്കാഴ്ച നടത്തിയത്.

സ്റ്റാൻ സ്വാമി വിഷയത്തിൽ ഇടപെടാൻ പരിമിതിയുണ്ടെന്ന് മോദി; ബിജെപി തൊട്ടുകൂടാത്ത പാർട്ടിയല്ലെന്ന് കർദ്ദിനാൾമാർ
മുക്കാൽ മണിക്കൂറോളമാണ് കര്‍ദ്ദിനാൾമാര്‍ പ്രധാനമന്ത്രിയുമായി കൂടിക്കാഴ്ച നടത്തിയത്. ഭീമാ കൊറേഗാവ് കേസുമായി ബന്ധപ്പെട്ട് ജയിലിൽ അടയ്ക്കപ്പെട്ട ഫാ സ്റ്റാൻ സ്വാമിയെ വിട്ടയക്കണമെന്നും ക‍ര്‍ദ്ദിനാൾമാര്‍ ആവശ്യപ്പെട്ടു. എന്നാൽ വിഷയത്തിൽ ഇടപെടുന്നതിൽ പരിമിതിയുണ്ടെന്നാണ് മോദിയുടെ പ്രതികരണം.

നേരത്തെ ഓര്‍ത്തഡോക്സ്-യാക്കോബായ സഭാ പ്രശ്നം പരിഹരിക്കുന്നതിനായി മത മേലധ്യക്ഷന്മാരുമായി മോദി കൂടിക്കാഴ്ച നടത്തിയിരുന്നു. തുടര്‍ ച‍ര്‍ച്ചയ്ക്കായി മിസോറാം ഗവര്‍ണര്‍ പി എസ് ശ്രീധൻ പിള്ളയേയും കേന്ദ്ര വിദേശകാര്യ സഹമന്ത്രി വി മുരളീധരനേയും മോദി ചുമതലപ്പെടുത്തിയിരുന്നു.