തൃശൂർ: കൊച്ചിയിലെത്തിയ പ്രധാനമന്ത്രി നരേന്ദ്ര മോദി ഇന്ന് രാവിലെ തൃശൂരിലേക്ക് പുറപ്പെടും. നടനും ബിജെപി നേതാവുമായ സുരേഷ് ഗോപിയുടെ മകള്‍ ഭാഗ്യ സുരേഷിന്‍റെ വിവാഹത്തിൽ പങ്കെടുക്കാൻ ഗുരുവായൂർ ക്ഷേത്രത്തിലാണ് മോദി ആദ്യമെത്തുക. പിന്നീട് തൃപ്രയാർ ശ്രീരാമ ക്ഷേത്ര ദർശനവും കഴിഞ്ഞ് കൊച്ചയിലേക്ക് തിരികെയെത്തും. പ്രധാനമന്ത്രിയുടെ സന്ദർശനം പ്രമാണിച്ച് ഇന്ന് ഗുരുവായൂർ നഗരസഭ, കണ്ടാണിശ്ശേരി, ചൂണ്ടൽ, നാട്ടിക, വലപ്പാട് പഞ്ചായത്ത് എന്നിവിടങ്ങളിൽ പ്രൊഫഷണൽ കോളജുകൾ ഉൾപ്പെടെയുള്ള എല്ലാ വിദ്യാഭ്യാസസ്ഥാപനങ്ങൾക്കും ജില്ലാ കളക്ടർ അവധി പ്രഖ്യാപിച്ചിട്ടുണ്ട്.
ശ്രീകൃഷ്ണ കോളേജ് ഹെലിപ്പാഡിൽനിന്ന് റോഡ് മാർഗ്ഗമാണ് പ്രധാനമന്ത്രി ഗുരുവായൂരിലേക്ക് പോവുക. 7:45ന് ക്ഷേത്രത്തിലെത്തുന്ന അദ്ദേഹം 20 മിനിറ്റ് ദർശനത്തിനുശേഷം ശ്രീവത്സം ഗസ്റ്റ് ഹൗസിലേക്കു മടങ്ങും. 8:45 ഓടെ സുരേഷ് ഗോപിയുടെ മകളുടെ വിവാഹത്തിൽ പങ്കെടുക്കും. തൊട്ടടുത്ത 3 മണ്ഡപങ്ങളിലുമെത്തി നവ ദമ്പതികൾക്ക് ആശംസ അറിയിക്കും. പിന്നീട് ശ്രീവത്സം ഗസ്റ്റ് ഹൗസിലെത്തി വിശ്രമിക്കുന്ന മോദി 9.45 ന് തൃപ്രയാർ ശ്രീരാമ ക്ഷേത്രത്തിലേക്ക് പുറപ്പെടും.
തൃപ്രയാർ ക്ഷേത്രദർശനത്തിന് ശേഷം പതിനൊന്ന് മണിക്ക് വലപ്പാട് ഹെലിപ്പാഡിൽനിന്ന് കൊച്ചിയിലേക്കു മടങ്ങും. ഉച്ചയ്ക്ക് 12 മണിയോടെ വെല്ലിങ്ടൺ ഐലന്‍റിൽ വിവിധ പദ്ധതികളുടെ ഉദ്ഘാടനം പ്രധാനമന്ത്രി നി‍ർവഹിക്കും. 1:30ന് മറൈൻഡ്രൈവിൽ ബിജെപിയുടെ ശക്തികേന്ദ്ര സമ്മേളനത്തിൽ മോദി പങ്കെടുക്കും. 2:40ന് വെല്ലിങ്ടൺ ഐലന്‍റിലേക്ക് മടങ്ങുന്ന അദ്ദേഹം മൂന്നുമണിയോടെ നെടുമ്പാശേരിയിൽ എത്തി ഡൽഹിയിലേക്ക് മടങ്ങും.
പ്രധാനമന്ത്രിയുടെ സന്ദർശനം പ്രമാണിച്ച് ഇന്ന് രാവിലെ ആറുമുതൽ 10 വരെ ഗുരുവായൂർ ക്ഷേത്രത്തിന്‍റെ 100 മീറ്റർ പരിധിക്കുള്ളിലേക്ക് പൊതുജനങ്ങൾക്ക് പ്രവേശനമില്ല. അനുവദിക്കപ്പെട്ട കല്യാണക്കാരെയും ക്ഷേത്രം ഡ്യൂട്ടിക്കാരെയും മാത്രമേ കടത്തിവിടുകയുള്ളൂ.
ചൂണ്ടൽമുതൽ ഗുരുവായൂർവരെ പ്രധാന റോഡ് അടയ്ക്കും. ക്ഷേത്രനടയുടെ നാലു നടവഴികളിലും 100 മീറ്റർ പരിധിയിൽ ഡോർ മെറ്റൽഡിറ്റക്ടർ സ്ഥാപിച്ചിട്ടുണ്ട്. ക്ഷേത്രങ്ങളുടെ പരിസരം എസ്പിജിയുടെയും പോലീസിന്‍റെയും കനത്ത നിയന്ത്രണത്തിലാണ്.
ശ്രീകൃഷ്ണ കോളേജ് ഹെലിപ്പാഡിൽനിന്ന് റോഡ് മാർഗ്ഗമാണ് പ്രധാനമന്ത്രി ഗുരുവായൂരിലേക്ക് പോവുക. 7:45ന് ക്ഷേത്രത്തിലെത്തുന്ന അദ്ദേഹം 20 മിനിറ്റ് ദർശനത്തിനുശേഷം ശ്രീവത്സം ഗസ്റ്റ് ഹൗസിലേക്കു മടങ്ങും. 8:45 ഓടെ സുരേഷ് ഗോപിയുടെ മകളുടെ വിവാഹത്തിൽ പങ്കെടുക്കും. തൊട്ടടുത്ത 3 മണ്ഡപങ്ങളിലുമെത്തി നവ ദമ്പതികൾക്ക് ആശംസ അറിയിക്കും. പിന്നീട് ശ്രീവത്സം ഗസ്റ്റ് ഹൗസിലെത്തി വിശ്രമിക്കുന്ന മോദി 9.45 ന് തൃപ്രയാർ ശ്രീരാമ ക്ഷേത്രത്തിലേക്ക് പുറപ്പെടും.
തൃപ്രയാർ ക്ഷേത്രദർശനത്തിന് ശേഷം പതിനൊന്ന് മണിക്ക് വലപ്പാട് ഹെലിപ്പാഡിൽനിന്ന് കൊച്ചിയിലേക്കു മടങ്ങും. ഉച്ചയ്ക്ക് 12 മണിയോടെ വെല്ലിങ്ടൺ ഐലന്‍റിൽ വിവിധ പദ്ധതികളുടെ ഉദ്ഘാടനം പ്രധാനമന്ത്രി നി‍ർവഹിക്കും. 1:30ന് മറൈൻഡ്രൈവിൽ ബിജെപിയുടെ ശക്തികേന്ദ്ര സമ്മേളനത്തിൽ മോദി പങ്കെടുക്കും. 2:40ന് വെല്ലിങ്ടൺ ഐലന്‍റിലേക്ക് മടങ്ങുന്ന അദ്ദേഹം മൂന്നുമണിയോടെ നെടുമ്പാശേരിയിൽ എത്തി ഡൽഹിയിലേക്ക് മടങ്ങും.
പ്രധാനമന്ത്രിയുടെ സന്ദർശനം പ്രമാണിച്ച് ഇന്ന് രാവിലെ ആറുമുതൽ 10 വരെ ഗുരുവായൂർ ക്ഷേത്രത്തിന്‍റെ 100 മീറ്റർ പരിധിക്കുള്ളിലേക്ക് പൊതുജനങ്ങൾക്ക് പ്രവേശനമില്ല. അനുവദിക്കപ്പെട്ട കല്യാണക്കാരെയും ക്ഷേത്രം ഡ്യൂട്ടിക്കാരെയും മാത്രമേ കടത്തിവിടുകയുള്ളൂ.
ചൂണ്ടൽമുതൽ ഗുരുവായൂർവരെ പ്രധാന റോഡ് അടയ്ക്കും. ക്ഷേത്രനടയുടെ നാലു നടവഴികളിലും 100 മീറ്റർ പരിധിയിൽ ഡോർ മെറ്റൽഡിറ്റക്ടർ സ്ഥാപിച്ചിട്ടുണ്ട്. ക്ഷേത്രങ്ങളുടെ പരിസരം എസ്പിജിയുടെയും പോലീസിന്‍റെയും കനത്ത നിയന്ത്രണത്തിലാണ്.