കൊച്ചി എയര്‍പോര്‍ട്ടില്‍ യാത്രക്കാരന്‍റെ ബാഗില്‍ വിഷപ്പാമ്പ്

ന്യൂഡല്‍ഹി: കൊച്ചി വിമാനത്താവളത്തില്‍ നിന്ന് അബുദാബിയിലേക്ക് വിമാനം കയറാന്‍ എത്തിയ യാത്രക്കാരന്‍റെ ബാഗില്‍ നിന്നും വിഷമുള്ള പാമ്പിനെ കണ്ടെത്തി. ഹാന്‍ഡ്‍ ബാഗുകള്‍ പരിശോധിച്ച സിഐഎസ്‍എഫ്‍ ഉദ്യോഗസ്ഥനാണ് പാമ്പിനെ കണ്ടത്. ഞായറാഴ്‍ച്ചയായിരുന്നു സംഭവം. യാത്രക്കാരനെ പോലീസില്‍ എല്‍പ്പിച്ചു.

എയര്‍ ഇന്ത്യ എക്സ്‍പ്രസ്‍ 419-ാം നമ്പര്‍ ഫ്ലൈറ്റില്‍ ആണ് യാത്രക്കാരന്‍ പോകേണ്ടിയിരുന്നത്. ബാഗില്‍ പാമ്പിനെപ്പോലെ എന്തോ എക്സ്-റേ സ്‍കാനില്‍ കണ്ട സിഐഎസ്‍എഫ് സബ് ഇന്‍സ്‍പെക്ടര്‍ ബാഗ് നേരിട്ട് പരിശോധിച്ചു. വെള്ളിക്കെട്ടന്‍ ഇനത്തില്‍പ്പെട്ട പാമ്പായിരുന്നു ഇത്. പാലക്കാട് സ്വദേശിയാണ് യാത്രക്കാരന്‍.