കൊച്ചി: കലാഭവൻ മണിയുടെ മരണവുമായി ബന്ധപ്പെട്ട് അന്വേഷണം വഴിതെറ്റിക്കാൻ ശ്രമം നടക്കുന്നതായി പേലീസ്. സാമൂഹിക മാധ്യമങ്ങളിലൂടെ വിവിധ തരത്തിലുള്ള വാർത്തകൾ പ്രചരിപ്പിച്ചത് ഇതിന്റെ ഭാഗമായാണോ എന്ന് പോലീസ് പരിശോധിക്കും. ഇത്തരം ഫേസ്ബുക്, വാട്ട്സ് ആപ്പ് സന്ദേശങ്ങളുടെ ഉറവിടം കണ്ടെത്തും. തന്നെ പ്രതിയെന്ന രീതിയിൽ ചിത്രീകരിക്കുന്നതായി കാട്ടി തരികിട സാബു കായംകുളം പോലീസിൽ നൽകിയ പരാതിയിൽ അന്വേഷണം അവസാന ഘട്ടത്തിലാണ്. മണിയുടെ മരണത്തിനു തൊട്ടുമുൻപുള്ള ദിവസങ്ങളിലെ ഫോൺ കോളുകളും പരിശോധിക്കുമെന്ന് പോലീസ് അറിയിച്ചു.
ഹൈദരാബാദിലെ കേന്ദ്രലാബിലേക്ക് അയച്ചുകൊടുത്ത ആന്തരികാവയവങ്ങളുടെ പരിശോധനാ ഫലം പുറത്തുവന്ന ശേഷം മാത്രമേ അന്വേഷണ സംഘം തുടർക്കാര്യങ്ങളിലേക്ക് കടക്കൂ. അമൃത ആശുപത്രിയിലെ പരിശോധനാ ഫലവും കാക്കനാട് ലാബിലെ പരിശോധനാഫലവും തമ്മിൽ വൈരുദ്ധ്യമുണ്ടായ സാഹചര്യത്തിലാണ് ആന്തരികാവയവങ്ങൾ വീണ്ടും പരിശോധനയ്ക്ക് അയച്ചത്.
ഹൈദരാബാദിലെ കേന്ദ്രലാബിലേക്ക് അയച്ചുകൊടുത്ത ആന്തരികാവയവങ്ങളുടെ പരിശോധനാ ഫലം പുറത്തുവന്ന ശേഷം മാത്രമേ അന്വേഷണ സംഘം തുടർക്കാര്യങ്ങളിലേക്ക് കടക്കൂ. അമൃത ആശുപത്രിയിലെ പരിശോധനാ ഫലവും കാക്കനാട് ലാബിലെ പരിശോധനാഫലവും തമ്മിൽ വൈരുദ്ധ്യമുണ്ടായ സാഹചര്യത്തിലാണ് ആന്തരികാവയവങ്ങൾ വീണ്ടും പരിശോധനയ്ക്ക് അയച്ചത്.