പ്രകടനം നടത്തിയതിന് നടൻ ജോയ് മാത്യുവിനെതിരെ കേസ്

കോഴിക്കോട്: ചലച്ചിത്ര നടനും സംവിധായകനുമായ ജോയ് മാത്യുവിനെതിരെ പോലീസ് കേസ്. കോഴിക്കോട് മിഠായിത്തെരുവിൽ പ്രകടനം നടത്തിയതിനാണ് കേസെടുത്തിട്ടുള്ളത്. ബിഷപ്പ് ഫ്രാങ്കോ മുളയ്ക്കലിനെതിരെ സമരം നടത്തിയ കന്യാസ്ത്രീകളോട് എെക്യദാർഡ്യം പ്രകടിപ്പിച്ചായിരുന്നു പ്രകടനം നടത്തിയത്.

നിരോധിത മേഖലയിൽ പ്രകടനം നടത്തിയതിനാണ് കേസെടുത്തിരിക്കുന്നത്. ജോയ് മാത്യുവിനെ കൂടാതെ നൂറോളം പേർക്കെതിരെയും ഇതേ സംഭവത്തിൽ കേസ് രജിസ്റ്റർ ചെയ്തിട്ടുണ്ട്. കോഴിക്കോട് ടൗൺ പോലീസാണ് കേസെടുത്തത്.