കന്യാസ്ത്രീയെ അധിക്ഷേപിച്ച പിസി ജോർജിനെതിരെ കേസ്

കോട്ടയം: വാർത്താസമ്മേളനത്തിനിടെ കന്യാസ്ത്രീയെ അധിക്ഷേപിച്ച് സംസാരിച്ച പി.സി.ജോർജ് എംഎൽഎക്കെതിരെ കേസ്. സ്ത്രീത്വത്തെ അപമാനിച്ചു എന്ന കുറ്റം ചുമത്തി കുറവിലങ്ങാട് പോലീസാണ് കേസെടുത്തത്. ഐ.പി.സി 509ാം വകുപ്പ് പ്രകാരമാണ് കേസെടുത്തിട്ടുള്ളത്.

പി.സി.ജോർജിനെതിരെ കേസെടുക്കാൻ നേരത്തെ തന്നെ തെളിവുകൾ ഉണ്ടായിരുന്നെങ്കിലും പോലീസ് നിയമോപദേശം തേടിയാണ് തീരുമാനത്തിലെത്തിയത്. അനുകൂലമായ നിയമോപദേശം ലഭിച്ചതോടെ കേസെടുക്കാൻ തീരുമാനിക്കുകയായിരുന്നു. ജോർജ് ജനപ്രതിനിധി ആയതിനാലാണ് നിയമോപദേശം തേടിയത്.

കേസെടുത്തതുമായി ബന്ധപ്പെട്ട് പി.സി ജോർജിൻെറ പ്രതികരണം വന്നിട്ടില്ല. ഒരു വർഷം വരെ തടവ് ലഭിക്കുന്ന വകുപ്പാണ് പോലീസ് ചുമത്തിയിരിക്കുന്നത്.