പിസി ജോര്‍ജിനെ പ്രതിയാക്കി കുറ്റപത്രം സമ‍ർപ്പിച്ചു

തിരുവനന്തപുരം: എം.എല്‍.എ ഹോസ്റ്റലിലെ കാന്‍റീന്‍ ജീവനക്കാരനെ കൈയേറ്റം ചെയ്തുവെന്ന പരാതിയില്‍ പി.സി.ജോര്‍ജിനെ പ്രതിയാക്കി കുറ്റപത്രം. തിരുവനന്തപുരം ജുഡീഷല്‍ മജിസ്ട്രേറ്റ് കോടതിയില്‍ മ്യൂസിയം പോലീസാണ് കുറ്റപത്രം സമര്‍പ്പിച്ചിരിക്കുന്നത്.

നിയമസഭ ഹോസ്റ്റല്‍ കാന്‍റീനില്‍ 2017 ഫെബ്രുവരി 27നാണ് കേസിനാസ്പദമായ സംഭവമുണ്ടായത്. ഭക്ഷണം എത്തിക്കാന്‍ വൈകിയെന്ന് ആരോപിച്ചാണ് എം.എല്‍.എ ജീവനക്കാരനെ പി.സി ജോര്‍ജ് കൈയേറ്റം ചെയ്തത്. മുഖത്ത് മര്‍ദ്ദനമേറ്റ മനു പിന്നീട് ചികിത്സ തേടുകയും നിയമസഭാ സെക്രട്ടറിക്ക് പരാതി നല്‍കുകയുമായിരുന്നു