ദിലീപിനെതിരെ അനുബന്ധകുറ്റപത്രം കോടതി സ്വീകരിച്ചു

അങ്കമാലി: നടി ആക്രമിക്കപ്പെട്ടെ കേസിൽ പോലീസ് നടൻ ദിലീപിനെതിരെ സമര്‍പ്പിച്ച അനുബന്ധ കുറ്റപത്രം അങ്കമാലി മജിസ്ട്രേറ്റ് കോടതി സ്വീകരിച്ചു. കേസിലെ മറ്റു പ്രതികളുടെ റിമാൻഡ് കാലാവധി ഇന്നു അവസാനിച്ച സാഹചര്യത്തിൽ ഇവരെ കോടതിയിൽ ഹാജരാക്കുമ്പോള്‍ അഭിഭാഷകരുടെ ആവശ്യപ്രകാരമാണ് കുറ്റപത്രം സ്വീകരിച്ചത്.

കുറ്റപത്രത്തിന്‍റെ അടിസ്ഥാനത്തിൽ ദിലീപ് ഉള്‍പ്പെടെയുള്ള പ്രതികള്‍ക്ക് കോടതി ഉടൻ സമൻസ് അയയ്ക്കും. പ്രതികളെ വിളിച്ചു വരുത്തിയതിനുശേഷം വിചാരണ നടപടികള്‍ക്കായി എറണാകുളം പ്രിൻസിപ്പൽ സെഷൻസ് കോടതിയിലേയ്ക്ക് കുറ്റപത്രം കൈമാറും.ദിലീപ് അടക്കം പന്ത്രണ്ട് പ്രതികള്‍ക്കെതിരരെയാണ് അനുബന്ധകുറ്റപത്രം സമര്‍പ്പിച്ചിട്ടുള്ളത്.