കൊച്ചി: മുനമ്പം ഹാര്ബര് വഴി അനധികൃതമായി 42 പേരെ കടത്തിയത് ഓസ്ട്രേലിയയിലെ ക്രിസ്തുമസ് ദ്വീപിലേക്കെന്ന് സ്ഥിരീകരണം. മനുഷ്യകടത്തിനു പിന്നില് രാജ്യന്തര റാക്കറ്റാണെന്നും പോലീസിന് സൂചന ലഭിച്ചു.
കഴിഞ്ഞ ദിവസം ഹാര്ബറിനു സമീപത്തെ ആളൊഴിഞ്ഞ സ്ഥലത്ത് ഏതാനും ബാഗുകള് ഉപേക്ഷിച്ച നിലയിൽ നാട്ടുകാര് കണ്ടെത്തിയിരുന്നു. ഇതേ തുടര്ന്നുള്ള അന്വേഷണത്തിലാണ് മനുഷ്യക്കടത്താണെന്ന് സൂചന ലഭിച്ചത്. ബോട്ടിലെ ഭാരം കുറയ്ക്കാനായി ഇവര് ഉപേക്ഷിച്ചു പോയ ബാഗുകളിൽ നിന്നാണ് സംഭവത്തെപ്പറ്റിയുള്ള വിവരങ്ങള് ലഭിച്ചത്. ഇവര് പത്തുപേരടങ്ങുന്ന ചെറുസംഘങ്ങളായി സമീപത്തെ റിസോര്ട്ടുകളിൽ താമസിച്ചിരുന്നതായി പോലീസ് കണ്ടെത്തിയിട്ടുണ്ട്. ഇവര് ശ്രീലങ്കയില് നിന്നും തമിഴ്നാട്ടില് നിന്നുമുള്ളവരാണെന്ന് കണ്ടെത്തിയിരുന്നു.