എറണാകുളം: പെരുമ്പാവൂരിൽ ഭാര്യയുമായി ബൈക്കിൽ സഞ്ചരിച്ച യുവാവിനു നേരെ സദാചാര ആക്രമണം നടത്തിയ പ്രതികൾക്കെതിരെ ലുക്ക് ഔട്ട് നോട്ടീസ്. മൂന്നംഗ സംഘത്തിൻ്റെ ആക്രമണത്തിൽ കുറുപ്പുംപടി സ്വദേശി ശ്രീജേഷിന് പരിക്കേറ്റിരുന്നു. കഴിഞ്ഞ ശനിയാഴ്ചയായിരുന്നു സംഭവം.
Also Read: പെരുമ്പാവൂരിൽ സദാചാര ആക്രമണം; ഭാര്യയുമായി ബൈക്കിൽ സഞ്ചരിച്ച യുവാവിന് പരിക്ക്
പെരുമ്പാവൂർ രായമംഗലം സ്വദേശികളായ അമൽ കണ്ടംപറമ്പിൽ, കിരൺ പറമ്പിവീട്ടിൽ, ബേസിൽ പള്ളിയാംപുറത്ത് എന്നിവര്ക്കെതിരെയാണ് പോലീസ് ലുക്ക് ഔട്ട് നോട്ടീസ് പുറത്തിറക്കിയിരിക്കുന്നത്. മൂന്നംഗ സംഘത്തിൻ്റെ ആക്രമണത്തിൽ ശ്രീജേഷിൻ്റെ ബോധം നഷ്ടപ്പെട്ടിരുന്നു. തുടര്ന്ന് ബൈക്കിൽ നിന്ന് വീണതാണെന്ന് പറഞ്ഞ് മര്ദ്ദിച്ച സംഘം ശ്രീജേഷിനെ പെരുമ്പാവൂര് താലൂക്ക് ആശുപത്രിയിൽ പ്രവേശിപ്പിക്കുകയായിരുന്നു. സംഭവത്തിൽ കുറുപ്പുംപടി പോലീസ് അന്വേഷണം തുടരുകയാണ്.
Also Read: കണ്ണൂരിൽ ഹർത്താൽ പൂർണം; കൗൺസിലര്മാര്ക്കെതിരെ കേസ്
Also Read: ഇടുക്കിയിലെ മിടുക്കരായ നായ്ക്കൾക്ക് പുതിയ വാഹനം; സഞ്ചാരത്തിന് മഹീന്ദ്ര എസ്യുവി!