മ​റ്റൊ​രു ന​ടി​യെ ത​ട്ടി​ക്കൊ​ണ്ടു​പോ​യി; സുനിക്കെതിരെ വീണ്ടും കേസ്

കൊച്ചി: നടിയെ ആക്രമിച്ച കേസിലെ മുഖ്യപ്രതി പള്‍സര്‍ സുനിക്കെതിരെ പോലീസ് വീണ്ടും കേസെടുത്തു. മറ്റൊരു മലയാള നടിയെ തട്ടിക്കൊണ്ടുപോയ സംഭവത്തിലാണ് സുനിക്കെതിരേ കൊച്ചി സിറ്റി പോലീസ് കേസ് രജിസ്റ്റര്‍ ചെയ്തിരിക്കുന്നത്. നിര്‍മാതാവ് ജോണി സാഗരികയുടെ പരാതിയെ തുടര്‍ന്നാണ് പുതിയ കേസ് രജിസ്റ്റര്‍ ചെയ്തത്. 2011ല്‍ ഓര്‍ക്കുട്ട് ഒരു ഓര്‍മക്കൂട്ട് എന്ന സിനിമയുടെ ചിത്രീകരണത്തിനിടെയായിരുന്നു സംഭവം.

സംഭവം നടന്ന അന്നുതന്നെ പോലീസിനെ വിവരം അറിയിച്ചിരുന്നുവെങ്കിലും രേഖാമൂലമുള്ള പരാതി നല്‍കാതിരുന്നതിനെ തുടര്‍ന്ന് പോലീസ് കേസെടുത്തിരുന്നില്ല. സംഭവസമയത്ത് പള്‍സര്‍ സുനിയായിരുന്നു ജോണി സാഗരിഗയുടെ ഡ്രൈവര്‍. നടിയെ ആക്രമിച്ച സംഭവത്തില്‍ ഗൂഢാലോചന സംബന്ധിച്ച അന്വേഷണം ദിലീപിലേക്ക് എത്തിയ സാഹചര്യത്തിലാണ് കേസ് അന്വേഷിക്കാന്‍ പോലീസ് തീരുമാനിച്ചത്.

നിര്‍മാതാവ് ജോണി സാഗരികയെ ഇതിന്റെ ഭാഗമായി എറണാകുളം സെന്‍ട്രല്‍ സ്‌റ്റേഷനില്‍ വിളിച്ചുവരുത്തി വിശദമായ മൊഴി രേഖപ്പെടുത്തി. മൊഴിയുടെ അടിസ്ഥാനത്തിലാണ് പള്‍സര്‍ സുനിക്കെതിരെ പുതിയ എഫ്‌ഐആര്‍ രജിസ്റ്റര്‍ ചെയ്തത്.

Fresh case against 'Pulsar' Suni


Fresh case against 'Pulsar' for another actress Abduction