തൃശൂര്: തൃശൂരിൽ കൈകുഞ്ഞിനെ ഉപേക്ഷിച്ച് കാമുകനൊപ്പം പോയ യുവതിക്കെതിരെ കേസെടുത്തു. അഞ്ചങ്ങാടി ചെറുകൊക്കു സ്വദേശിയായ 20 കാരിയാണ് ഒന്നേകാല് വയസുള്ള കുട്ടിയെ ഉപേക്ഷിച്ച് കാമുകനൊപ്പം പോയത്. മേത്തല സ്വദേശിയായ 24 കാരനൊപ്പമാണ് യുവതി ഒളിച്ചോടിയത്.
Also Read: കൊവിഡ് 19: നിരീക്ഷണത്തിലായിരുന്ന വിദേശ ദമ്പതികൾ കടന്നുകളഞ്ഞു; സംഭവം ആലപ്പുഴയില്
വ്യാഴാഴ്ച വൈകീട്ടായിരുന്നു സംഭവം. രണ്ട് വര്ഷം മുമ്പാണ് യുവതി ഫെയ്സ്ബുക്ക് വഴി കാമുകനെ പരിച്ചയപ്പെട്ടത്. ആദ്യ ഭർത്താവായ എടവിലങ്ങ് സ്വദേശിയായ യുവാവിനെ നീണ്ട കാലത്തെ പ്രണയത്തിനൊടുവിലാണ് യുവതി വിവാഹം ചെയ്യുന്നത്. വീട്ടുകാരുടെ എതിർപ്പിനെ മറികടന്നായിരുന്നു ഇരുവരുടെയും വിവാഹം. വാടകവീട്ടിലാണ് ഇരുവരും താമസിച്ചിരുന്നത്. ഇതിനിടയിലാണ് മേത്തല സ്വദേശിയുമായി ഫേസ്ബുക്കിലൂടെ യുവതി പരിചയപ്പെടുന്നത്. പരിചയം പ്രണയത്തിലേക്കും മറ്റ് ബന്ധങ്ങളിലേക്കും വളര്ന്നതായി പോലീസ് പറഞ്ഞു. വ്യാഴാഴ്ച വൈകീട്ട് ബൈക്കുമായി എത്തിയ കാമുകനൊപ്പം യുവതി പോകുകയായിരുന്നു.
Also Read: മാസ്കുകൾ ജയിലിൽ നിർമ്മിക്കും; പ്രഖ്യാപനവുമായി മുഖ്യമന്ത്രി
ഭർത്താവിൻ്റെ പരാതിയിലാണ് യുവതിയെയും കാമുകനെയും പോലീസ് വിളിച്ചുവരുത്തിയത്. സംഭവത്തിൽ ജൂവ നൈല് ജസ്റ്റിസ് ആക്റ്റ് പ്രകാരം കേസെടുത്ത ഇരുവരേയും കൊടുങ്ങല്ലൂര് കോടതിയില് ഹാജരാക്കി.
Also Read: കൊവിഡ് 19: കോഴിക്കോട് വിനോദകേന്ദ്രങ്ങളില് പ്രവേശന വിലക്ക്