മുഖ്യമന്ത്രിയെ അധിക്ഷേപിച്ചയാളെ പോലീസ് തിരയുന്നു

തിരുവനന്തപുരം: മുഖ്യമന്ത്രി പിണറായി വിജയനെയും കേരളത്തിലെ രക്ഷാപ്രവര്‍ത്തനങ്ങളെയും അധിക്ഷേപിച്ച് സാമൂഹ്യമാധ്യമങ്ങളിലൂടെ വീഡിയോ പ്രചരിപ്പിച്ചയാളെ പോലീസ് തിരയുന്നു. സൈനിക യൂണിഫോമിലാണ് ഇദ്ദേഹം സാമൂഹ്യമാധ്യമങ്ങളില്‍ എത്തിയത്. എന്നാല്‍ ഇദ്ദേഹം സൈനികനല്ലെന്ന് കരസേനാ വക്താവ് ട്വിറ്ററില്‍ വ്യക്തമാക്കിയിട്ടുണ്ട്.

ഞായറാഴ്ച രാവിലെയാണ് ചില വാട്സ്പ്പ് ഗ്രൂപ്പുകളിലേയ്ക്ക് സര്‍ക്കാരിനെ വിമര്‍ശിച്ചുകൊണ്ടുള്ള സന്ദേശങ്ങള്‍ എത്തിയത്. രക്ഷാപ്രവര്‍ത്തനം പൂര്‍ണമായി സൈന്യത്തിനെ ഏല്‍പ്പിക്കണമെന്നായിരുന്നു ആവശ്യം. സൈന്യം ഭരണം പിടിച്ചെടുക്കുമെന്ന ഭയമാണോ സംസ്ഥാന സര്‍ക്കാരിനെന്നും വീഡിയോയില്‍ പറയുന്നു.

പ്രാഥമിക അന്വേഷണത്തില്‍ ഇയാള്‍ സൈനികനല്ലെന്ന് തെളിഞ്ഞിട്ടുണ്ട്. സൈബര്‍ പോലീസാണ് കേസ് അന്വേഷിക്കുന്നത്.